काठमाडौं, भदौ १७ । संविधानसभाको तेश्रो ठूलो दल एकीकृत माओवादीले संविधानको विधेयकमा संशोधन प्रस्ताव दर्ता गर्न सभासद्हरुलाई छुट दिएको छ ।
संविधानसभाका पहिलो र दोश्रो ठूला दल काँग्रेस‐एमालेले पार्टी नीति विपरित संशोधन प्रस्ताव दर्ता गर्न प्रतिबन्ध गरेको अवस्थामा माओवादी भने लचिलो भएको हो ।
एमाओवादीको बुधवार सिंहदरवारमा बसेको संसदीय दलको बैठकले पार्टी नेतृत्वको सल्लाहमा संशोधन प्रस्ताव दर्ता गर्न पाउने व्यवस्था गरेको समाचार विहीबारको कान्तिपुर दैनिकको पृष्ठ २ मा समाचार छ ।
समाचारमा पार्टी प्रवक्ता दिनानाथ शर्माले भनेका छन्, ‘सभासद्हरुलाई नेतृत्वसँग सल्लाह गरेर संविधानको विधेयकमा चित्त नबुझेका प्रावधानमाथि संशोधन हाल्ने निर्णय भएको छ । संविधानसभामा व्हीप नलाग्ने भएकाले मतदानका क्रममा पार्टीकातर्फबाट व्हीप नलगाइने भएको छ ।’
