पर्वत, जेठ ११–नेपाली काँग्रेसका युवा नेता एवम् जलजला गाउँपालिकाका अध्यक्ष यामबहादुर मल्ल (रामकृष्ण)ले निधन भएका पार्टीका कार्यकर्ताको घरघरमा पुगेर परिवारजनलाई समबेदना प्रकट गरेका छन् । शनिबार मात्रै नेता मल्लले हालै निधन भएका जलजला वडा नम्बर ५ का डिलकुमारी कार्की, जलजला–५ अन्यचौरका तुलसीराम पौडेल, जलजला–५ का देउकुमारी सुबेदीको घरमा पुगेर परिवारजनमा समबेदना दिए ।
कार्कीको निधन भएको १३ औ दिनमा शनिबार नेपाली काँग्रेस जलजला ५ लेखफाँटले आयोजना गरेको श्रद्धाञ्जलीसभामा बोल्दै काँग्रेस नेता एवम् जलजला गाउँपालिकाका अध्यक्ष मल्लले हरेक गाउँपालिकाबासीको दुःख र पीडामा आफुसँगै रहेको बताए । उनले निधन भएकाको चिरशान्तिको कामना गर्दै परिवारजनलाई परेको पीडालाई शक्तिमा बदलेर अगाडी बढ्न पनि आग्रह गरेका थिए ।
कोरोना महामारीका कारण सामाजिक दुरी कायम गरेर आयोजना गरिएको श्रद्धाञ्जलीसभामा नेपाली काँग्रेस जलजलाका सभापति चन्द्रबहादुर जिसी, नेपाली काँग्रेसका क्षेत्रीय सहसचिव जितबहादुर पुन, जलजला ५ का सभापति हरिप्रसाद शर्मा, सचिव एवम् जलजला गाउँपालिकाका राजनीतिक सल्लाहकार याम शर्मा पौडेल, कार्कीका नाती एवम् नेपाल तरुण दल जलजला ५ का अध्यक्ष रामचन्द्र कार्कीलगायतले बोलेका थिए ।
कार्यकर्ताको निधनपछि दुरी कायम राखेर भेटघाटमा ब्यस्त काँग्रेस युवा नेता मल्ल
