पर्वत, जेठ १२–नेपाली काँग्रेसका युवा नेता एवम् जलजला गाउँपालिकाका अध्यक्ष यामबहादुर मल्ल (रामकृष्ण)ले कोरोना भाइरसबिरुद्धको अभियानमा आफ्नो निजि लगानीलाई निरन्तरता दिएका छन् । हालसम्म झण्डै ब्यक्तिगत रुपमा छ लाख लगानी गरिसकेका मल्लले आइतबार पर्वतको पैयूँ गाउँपालिका, महाशिला गाउँपालिका र मोदी गाउँपालिकालाई स्वास्थ्य सामाग्री प्रदान गरेका छन् ।
विश्व समुदाय कोरोना भाईरसको महामारीबाट आक्रान्त भएको वेला अध्यक्ष मल्लले देखाएको मानवीय भावना प्रशंसनीय भएको पैयुँ गाउँपालिकाका अध्यक्ष खगेन्द्रप्रसाद तिवारीले वताए । अध्यक्ष मल्लले शुरूवाती चरणबाटै कोरोना भाईरस विरूद्धको अभियानमा आफूलाई समर्पित गर्दै आएका छन् । उनले राहत तथा स्वास्थ्य सामग्री र सबारी व्यवस्थापनमा व्यक्तिगत रुपमै लगानी गर्दै आएका छन् । आफू जलजला गाउँपालिकाको अध्यक्ष भएपनि पर्वतका सबै स्थानीय तहप्रति मल्लले देखाएको हार्दिकताको सबैतिर प्रशंसा भएको छ ।
