पर्वत, जेठ २–कुश्मा र फलेबास नगरपालिकामा नेपाली काँग्रेसले अग्रता लिएको छ । कुश्मा–१ पाङको १६८६ मत गणनामा काँग्रेसका मेयर उम्मेदवार रामचन्द्र जोशीले ९१६ मत पाएका छन् । उपमेयरमा काँग्रेसकै सिता काफ्ले लामिछानेले ८३८ प्राप्त गरेकी छन् ।
उता एमालेका मेयरका उम्मेदवार मेघनाथ सुबेदीले ५३९ र उपमेयरका उम्मेदवार मुगा पोखरेलले ५५९ पाएकी छन् । कुश्मा १ को वडा अध्यक्षमा भने एमाले ३८ मतले अगाडी छ । वडा अध्यक्षमा एमालेको ७०२ र काँग्रेसको ६६४ मत प्राप्त भएको छ ।
उता फलेबास नगरपालिकामा पनि काँग्रेसले अग्रता लिएको छ । काँग्रेसका गंगाधर तिवारीले २९७० मत पाउदा एमालेका पदमपाणी शर्माले २५७१ मत पाएका छन् । उपमेयरमा पनि काँग्रेसकी रेखा गुरुङ अगाडी छन् । रेखाले २९५६ मत प्राप्त गर्दा एमालेकी मञ्जु अधिकारीले २५६९ मत पाएकी छन् ।
कुश्मा र फलेबास नगरमा काँग्रेसको अग्रता
