सिड्नी, ३० डिसेम्बर । अष्ट्रेलियाको सिड्नीमा पानी जहाजभित्र लोकदोहोरी घन्किने भएको छ । नेपालका सडक बालबालिकालाई सहयोग गर्न अष्ट्रेलियाको सिड्नीमा हुने क्रुज पार्टीमा लोक तथा दोहोरी गित घन्किने भएको हो ।
नेपाल अष्ट्रेलियन युथ एसोसिएसन (नयाँ) को आयोजनामा नेप्लीज क्रुज पार्टी २०१४ मा त्यसका साथै अरु विभिन्न सांस्कृतिक कार्यक्रम हुने भएको छ ।
आगामी जनवरीको १८ तारिखमा हुने क्रुज पार्टीमा विभिन्न मनोरन्जनात्मक कार्यक्रमका साथै बच्चाका विभिन्न क्रियाकलापहरु पनि प्रस्तुत गरिने भएको छ ।
कार्यक्रमबाट उठेको रकम नेपालमा रहेका सडक बालबालिकाको हितमा खर्च गरिने आयोजकले जनाएको छ ।
कार्यक्रममा सहभागिताका लागि पाँच बर्ष देखि १५ बर्ष सम्मका बालबालिकाको लागि ३० डलर र त्यस भन्दा बढि उमेरका लागि ६० डलर तोकिएको छ ।
पाँच बर्ष मुनिका बालबालिकाको लागि भने निशुल्क ब्यवस्था गरिएको आयोजकले जनाएको छ ।
पानी जहाजभित्र लोकदोहोरी घन्किने
