पर्वत, कार्तिक २२–नेपाली काँग्रेसका केन्द्रीय सदस्य एवम् निवर्तमान सांसद अर्जुनप्रसाद जोशी यतिबेला चुनावी प्रचारका क्रममा पर्वतको दक्षिण भेगका हुवास, त्रिवेणी, टकलाक, त्रिवेणी, बेउलीबासलगायतका ठाउँमा पुगेका छन् । पर्वत–१ बा तीन पटकसम्म जनताको माया पाएर बिजयी भएका नेता जोशीसँग पर्वत २ का जनताले सधै मागिरहेको भन्दै यसपटक दिन पनि पाएकोमा खुशी भएका छन् । पर्वत प्रतिनिधिसभा सदस्यमा प्रत्यक्षतर्फको उम्मेदवार भएका जोशीलाई रुख चिन्हमा मतदान गरेर जिताउने उद्घोष त्यहाँका जनताले गरेका छन् । ‘काँग्रेसका नेता जोशीसँग पर्वतको दक्षिण भेगको विकासका लागि सधैँ माग्ने काम मात्रै भएको थियो, यो पटक जोशीलाई मतदान गरेर उहाँले लगाएको गुन तिर्न पाइने भएको छ’ त्रिवेणीका भिमसेन गुरुङले भने । नेता अर्जुन जोशीजस्तो नेता पर्वतमै नभएको भन्दै उनले भारी बहुमतका साथ जिताएर पर्वतको विकासको रेखा कोर्ने अवसर आएको बताए । उता बिहादी गाउँपालिकाका भिमबहादुर खड्काले पर्वत १ को साँसद भएपनि अर्जुन जोशीले सधैँ पर्वत २ को समस्या बुझ्ने र समाधान गर्ने गरेको भन्दै यसपटक जोशीलाई सहयोग गर्ने मौका मिलेको बताए । ‘अर्जुन जोशीसँग हरेक समस्या राखिरहयौ र जोशीले बोलेका कुरा पुरा गरेरै छाडेका छन्, यसपटक जोशीले पु¥याएको योगदानको गुनतिर्ने समय आएको छ’ खड्काले भने । गुरुङ र खड्का मात्रै होइन, पैंयूँ, बिहादी, महाशिला गाउँपालिका, फलेबास नगरपालिकाका बासिन्दाले पर्वतको विकासका लागि अर्जुन जोशीको विकल्प सोच्नै नसकिने बताए ।
