भक्तपुर, १६ भदौ । ट्रकको ठक्करबाट भक्तपुरमा बुधबार एक पैदलयात्रीको मृत्यु भएको छ ।
इँटा बोकेको बा३ख ७७ नम्बरको निसान ट्रकको ठक्करबाट पैदलयात्री सिस्नेरी–८, ओखलढुंगा घर भइ भक्तपुर जगाती बस्ने २६ वर्षीय विनोद राईको मृत्यु भएको हो ।
ठक्कर दिएलगत्तै उपचारका लागि मध्यपुर अस्पतालमा लगिएकामा उपचारकै क्रममा निजको मृत्यु भएको महानगरीय प्रहरी वृत्त जगाती प्रमुख प्रहरी नायब उपरीक्षक देवेन्द्र पालले जानकारी दिए ।
ट्रक चलाउने नुवाकोट बेतिनी घर भइ भक्तपुर बस्ने १९ वर्षीय खलासी दावा तामाङ र ट्रकलाई नियन्त्रणमा लिइ आवश्यक कारबाही अगाडि बढाएको उनले बताए । रासस
