पर्वत, कार्तिक २–नेपाली काँग्रेस पर्वतका युवा नेता एवम जलजला गाउँपालिकाका अध्यक्ष यामबहादुर मल्ल (रामकृष्ण)ले आफु कोरोनामुक्त भएर पुनः कोरोना भाइरसबिरुद्धको अभियानमा सक्रिय हुन चाहेको बताएका छन् । नेपालमा कोरोना भित्रिएलगत्तै जलजला गाउँपालिकामा ब्यक्तिगत रुपमा दुई लाख रुपैयाँ जम्मा गरेका मल्लले कुश्मा, फलेबास, मोदी, महाशिला, बिहादी, पैयुँमा समेत नगद र स्वास्थ्यसामाग्री सहयोग गरेका थिए ।
कहिले जिल्ला प्रशासन त कहिले बागलुङ र बेनीसम्म पुगेर स्वास्थ्यसामाग्री बितरण गरेका जलजला गाउँपालिकाका अध्यक्ष मल्लले नेपाली काँग्रेसकी नेतृ आरजु राणा देउवामार्फत सहयोग भएको स्वास्थ्य सामाग्री पर्वत, बागलुङ र म्याग्दी पु¥याएर बितरण गरेका थिए । मल्लकै सक्रियतामा जलजलाको नौ वटै वडामा क्वारेन्टाइन बनाउनेदेखि त्यहाँका स्वास्थ्यसंस्थामा स्वास्थ्यसामाग्रीयुक्त बनाउने काम भएको छ ।
कोरोना महामारीको यो समयमा सबैभन्दा बढी कोरोनाबिरुद्धको अभियानमा सक्रिय भएका उनै मल्ल अहिले कोरोना संक्रमित भएका छन् । उनी अहिले पोखरास्थित चरक अस्पतालको आइसोलेसनमा रहेका छन् । उनले आफु कोरोनामुक्त भएपछि पुनः कोरोना भाइरसबिरुद्धको अभियानमा सक्रिय हुन चाहेको भन्दै छिट्टै कोरोना मुक्त हुने अपेक्षा लिएका छन् । दुई दिन सामान्य लक्षण देखिएपनि मल्ल अहिले स्वस्थ रहेका छन् ।
जलजला गाउँपालिकाका अध्यक्ष मल्लले भने–‘म कोरोनामुक्त भएर पुनः कोरोना भाइरसबिरुद्धको अभियानमा सक्रिय हुन चाहन्छु’
