पैंयुका जनप्रतिनिधि स्वास्थ्यकर्मी लिएर संक्रमितको घरघरमा

पर्बत, जेठ ७-पैंयु गाउँपालिकाका जनप्रतिनिधि स्वास्थ्यकर्मी लिएर संक्रमितको घरघरमा पुगेका छन । संक्रमितको अवस्था बुझेर अावश्यक उपचारकाे ब्यवस्था मिलाउन गाउँपालिकाका अध्यक्ष खगेन्द्रप्रसाद तिवारी, उपाध्यक्ष जसमति गुरुङ, प्रमुख प्रशासकीय अधिकृत केशव लामिछानेसहित वडा अध्यक्षहरुले स्वास्थ्यकर्मी लिएर काेराेना संक्रमित बिरामीको घरघरमा पुगेका हुन । अहिले पैंयु गाउँपालिकामा ४६ जना सक्रिय संक्रमित रहेका छन । अध्यक्ष तिवारीसहितकाे टाेलीले गाउँपालिकाका ७ वटै वडामा पुगेर अाज शुक्रबार ४४ जना संक्रमितको घरमै पुगेर भेटघाट गरि स्वास्थ्य अवस्थाकाे बारेमा जानकारी लिएकाे पैंयु गाउँपालिकाका प्रमुख प्रशासकीय अधिकृत केशव लामिछानेले जानकारी दिनुभयो । लामिछानेका अनुसार संक्रमितलाई अध्यक्ष तिवारी र उपाध्यक्ष गुरुङकाे नेतृत्वमा दुई वटा समूह बनाएर स्वास्थ्यकर्मी लिएर अवस्था जानकारी लिइएकाे हाे । पैंयू गाउँपालिका ७ वडा मध्ये वडा नम्बर १ टकलाकमा १३ जना, वडा नम्बर २ त्रिवेणीमा ७ जना, वडा नम्बर ३ बहुलीवासमा ५ जना, वडा नम्बर ४ हुवासमा १२ जना, वडा नम्बर ५ हुवास चिसापानीमा १ जना, वडा नम्बर ६ सरौंखाेलामा १ जना र वडा नम्बर ७ भोर्लेमा ५ गरी जम्मा ४४ जना सक्रिय संक्रमित होम आइशोलेशनमा रहेका छन् । १ जनामात्र अस्थायी कोभिड अस्पतालमा उपचाररत छन । गाउँपालिका अध्यक्ष खगेन्द्रप्रसाद तिवारीका अनुसार संक्रमित मध्ये ३६ जनाको स्वास्थ्य अवस्था सामान्य रहेको, ९ जनालाई सामान्य लक्षण देखिएको छ । शुक्रबार पैयू गाउँपालिका वडा नम्बर ४ का ६१ वर्षिय पुरुषलाई स्वास्थ्यमा समस्या देखिएपछि अस्थायी कोभिड अस्पतालमा चेकजांच गर्दा अक्सिजन लेभल कम देखिएकोले थप उपचारका लागि पोखरा पठाइएको अध्यक्ष तिवारीले जानकारी दिनुभयो । संक्रमितलाई स्वास्थ्यकर्मीले अक्सिजन लेभल र ज्वरो जाँच गरिएको, भिटामिन सि, जिंक, प्यारासिटामोल लगायतका औषधी उपलब्ध गराएको थियो । होम आइशोलेशनमा वसेका संक्रमितलाई स्वास्थ्यकर्मीको सम्पर्कमा रही सुरक्षित साथ बस्न र स्वास्थ्य समस्या आइपरेमा अस्थायी कोभिड अस्पतालमा सम्पर्क गर्न आग्रह गरिएको गाउँपालिका उपाध्यक्ष जसमति गुरुङले जानकारी दिनुभयो । संक्रमितको सम्पर्कमा आएका र कोभिड लक्षण देखिएका ब्यक्तिहरुको लागि पैंयू वडा नम्बर ३ स्थित साविक जेष्ठ नागरिक सेवा केन्द्र (हाल पिसिआर परिक्षण गर्ने केन्द्र बनाइएको) मा पि.सि.आर चेकजाँच गर्ने कार्यक्रम तय गरिएको प्रमुख प्रशासकीय अधिकृत लामिछानेले बताउनुभयो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000