ब्याडमिन्टनका लागि नयाँ कभर्ड हल सञ्चालन, गिरीले गरे उद्घाटन

पर्वत, मंसिर २–पर्वतमा नयाँ कभर्ड हल निर्माण सम्पन्न भएको छ । बर्षौदेखि बजेट अभावमा अलपत्र परेको कभर्ड हल पर्वत मोदीकाली ब्याडमिन्टन संघले निर्माण गरी सञ्चालनमा ल्याएको हो । राष्ट्रिय खेलकुद परिषदले निर्माण सुरु गरेपनि बिचमा बर्षौ अलपत्र परेको हललाई संघले निर्माण पुरा गरेको हो । कभर्ड हल निर्माण पछि लामो समयदेखि खुल्ला चौर र विभिन्न सरकारी कार्यालयका प्राङ्गणमा व्याडमिन्टन खेल्दै आएका खेलाडीहरुलाई ब्याडमिन्टन खेल्न सहज भएको छ ।
पर्वत मोदीकाली व्याडमिन्टन संघले निर्माण अलपत्र परेको कभर्डहल प्रदेश सरकार, कुश्मा नगरपालिका र विभिन्न खेलाडीहरुको सहयोगमा निर्माण सम्पन्न गरेको जनाएको छ । संघका उपाध्यक्ष सुनिल भुसालले ४० लाख थप लगानी गरेको जानकारी दिए । यो हलमा यसअघि राष्ट्रिय खेलकुद परिषदबाट झण्डै ७० लाख रुपैयाँ खर्च भइसकेको थियो । अहिलेसम्म कुश्मा नगरपालिका र प्रदेश सरकारबाट केही रकम जुटेपनि झण्डै २५ लाख तिर्न बाँकी रहेको भुसालले बताए ।
‘निर्माण सम्पन्न गरेपनि ऋण तिर्न बाँकी नै छ’ उनले भने । कभर्डहलको प्रतिनिधिसभा सदस्य पदम गिरीले उद्घाटन गरे । उनले खेलाडीहरुसँग प्राप्त पैसा नभएपनि खेलकुदको विकासका लागि खेलाडीहरुले गरेको प्रयासको सराहना गरे । मानव स्वास्थ्यका लागि खेल अनिवार्य र अपरिहार्य भएको भन्दै गिरीले करोडौ खर्चेर अस्पतालमात्र निर्माण नगरी खेलकुद क्षेत्रको विकासमा पनि जोड दिनुपर्ने धारणा राखे ।
‘मानिस स्वास्थ्य रहनका लागि खेल खेल्न आवश्यक छ, त्यसका लागि खेलकुदको विकास गर्नुपर्छ’ उनले भने । उनले खेलकुदको विकासका लागि तीनै तहका सरकारले समन्वय गरेर काम गर्नुपर्ने पनि बताए । उनले कभर्डहलको ऋण तिर्नका लागि आफुले पूर्वाधार विकास कार्यक्रमबाट २० लाख रुपैयाँ दिने प्रतिबद्धता पनि जनाए ।
कार्यक्रममा जिल्ला समन्वय समिति पर्वतको प्रमुख मनोहर बी पौडेल, फलेवास नगरपालिकाका प्रमुख पदमपाणी शर्मा, जलजला गाउँपालिकाका अध्यक्ष एवम् नेपाली काँग्रेस पर्वतका कोषाध्यक्ष यामबहादुर मल्ल (रामकृष्ण), कुश्मा नगरपालिका वडा नम्बर ५ का अध्यक्ष चित्रकला शर्मा, लोकसेवा आयोग बागलुङका प्रमुख गणेश पौडेललगायतले पर्वतमा भौतिक संरचनाको अभावमा खेल गतिविधिहरु ठप्पजस्तै बनेको बेला यो कभर्ड हलले धेरै सहज बनाउने बताए ।
कभर्डहल स्थापना भएपछि जुनसुकै मौसम र सिजनमा पनि खेल खेल्न सकिने भएको छ । साथै प्रदेश तथा अञ्चल र जिल्ला स्तरिय प्रतियोगिताहरु संचालन गर्न समेत सकिने संघका अध्यक्ष भिमप्रसाद श्रेष्ठले जानकारी दिए । ‘अव जुनसुकै मौसम र समयमा पनि कभर्डहलमा खेल खेल्न सकिन्छ’ पर्वत मोदीकाली ब्याडमिन्टन संघका सचिव बिनोद बिश्वकर्मा पोखरेलले भने ।
कार्यक्रममा कर्भडहल निर्माणका लागि पहल गर्ने जिल्ला खेलकुद बिकास समितिका अध्यक्ष प्रेम गुरुङ्ग, पुर्ब अध्यक्षहरु देबेन्द्रराज पाण्डे र शिब पौडेल, कुश्मा नगरपालिका वडा नम्बर ५ का अध्यक्ष चित्रकला शर्मा, इन्जिनियर सञ्जय लामिछाने लगायतलाई सम्मान गरिएको थियो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

गण्डकीका मुख्यमन्त्रीद्वारा विश्वासको मत लिने तयारी

सेतीवेणीका आठ घर डुबानमा, त्रासले रातभर जाग्राम

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा




About Sarathi news
Description goes here
NEPAL OFFICE

Address 1
Kathmandu, Nepal

977-0000000000