‘सबैका माग सम्बोधन गर्नुपर्दा टुक्रे योजना बनाउने बाध्यता छ’

कुश्मा नगरपालिका वडा नम्बर २ का वडा अध्यक्ष यदुनाथ बाँस्तोला ।

सदरमुकाम कुश्मासँगै जोडिएको छ कुश्मा नगरपालिका वडा नम्बर २ खुर्कोट साविकको खुर्कोट गाविस हाल कुश्मा नगरपालिका वडा नम्बर २ बनेको हो । समथर र उर्बर जमिनका कारण यो वडा कृषि र पशुपालनमा राम्रो मानिन्छ । खुर्कोटका धेरै सम्भावनाहरु रहेका छन् । कुश्मा नगरपालिका वडा नम्बर २ का वडा अध्यक्ष यदुनाथ बाँस्तोला ठुलो वडामा थोरै रकम भित्रिदा सबै जनतालाई चित्त बुझाउन समस्या रहेको बताउँछन् । उनै बाँस्तोलासँग गरिएको कुराकानी ।

वडा अध्यक्षको बर्षदिनको अनुभव कस्तो रह्यो  ?
–पहिलो बर्ष चुनावी बर्ष पनि हो । पहिलो पटक जनप्रतिनिधि हुँदा कानुनी ब्यवस्था, विकास प्रक्रिया लगायत बिषयबस्तु बुझ्ने, विकास निर्माणका कामलाई कसरी अगाडी लैजादा बढी काम हुन्छ र जनताले विकासको महसुस गर्न सक्छन् भन्ने बिषयमा सिक्ने अवसर पनि मिल्यो । जनप्रतिनिधि भएपछि सबैको घरदैलोमा पुग्ने, भेटघाट गर्ने, उनीहरुका समस्या बुझ्ने र कसरी समाधान गर्ने भन्ने बिषयमा अनुभव मिलेको छ । चुनावी बर्ष भएका कारण ठुला योजना बनाउन सकिएन । सबै जनताका मागलाई सम्बोधन गर्नुपर्दा स–साना योजना बनाउन बाध्य भइयो ।

यो अवधिमा कुनपा २ मा के के काम भयो ?
–यो अवधिमा ठुला पूर्वाधारका काममा जोड दिन त पाइएन । छमर्के–छिपछिपे–कोटगाउँसम्मको मोटरबाटो चौडा बनाउने काम भएको छ । अन्य सडकलाई सफा गर्ने, सवारी साधनलाई सहज रुपमा गुड्नसक्ने बनाउने काम भयो । कुश्मा नगरपालिका वडा नम्बर २ खेतीयोग्य जमिन भएका कारण पनि यहाँ सिंचाईका थुप्रै नहर, कुलोहरु रहेका छन् । ती कुलोहरुको मर्मत गर्ने र किसानलाई सिंचाईका लागि सहज बनाउने काम ग¥यौ । आयआर्जन तथा नेतृत्व र क्षमता विकाससम्बन्धी तालिमहरु सञ्चालन ग¥यौ । अपाङ्गता तथा असहाय भएकालाई वडाले छुट्टै भत्ताको ब्यवस्था गरेको थियो, त्यो बितरण ग¥यौ । कृषिलाई पनि हामीले उत्तिकै महत्व दिएका छौ । हाम्रो वडालाई कृषिजन्य बस्तुहरु, दुध, तरकारीमा आत्मनिर्भर गराउदै नजिकमा प्रशस्त बजार भएका कारण पनि यहाँ उत्पादन भएको बस्तुहरु निर्यात गर्न किसानलाई प्रोत्साहन मिल्ने कार्यक्रम सञ्चालन गरेका छौ । किसानलाई जमिन जोत्नका लागि सहज होस भने थुप्रै मिनि टेलर ९यान्त्रिक हलो० छुट अनुदानमा बितरण ग¥यौ । हामीले टनेलमा तरकारी खेतीका लागि ४०÷४५ वटा टनेल बितरण ग¥यौ ।

वडामा चालु आर्थिक बर्ष कस्ता योजनालाई प्राथमिकता दिँदै हुनुहुन्छ ?
–चालु आर्थिक बर्षमा एक घर एक धाराको काम पुरा गर्ने लक्ष्य रहेको छ । साविकका नौ वटै वडालाई समेटेर नगरपालिका, वडा र स्थानीय स्रोतसाधनलाई प्रयोग गरेर एक घर एक धारा पु¥याउने लक्ष्य लिएका हौ । बिद्यालयहरुको शैक्षिक सुधार गर्ने, सबै बालबालिकालाई बिद्यालय पु¥याउने, मुख्य सडकलाई स्तरोन्नती गर्दै जाने, अन्य सडकलाई नालीसहित ब्यवस्थित गराउने योजना पनि बनाएका छौ । हाम्रो वडामा बाह्रै महिना सहज रुपमा यातायात गुड्ने गराउनका लागि योजना बनाएर अभियान चलाएका छौ ।

वडाको मुख्य समस्या के दँेख्नुहुन्छ ?
हाम्रो वडाको मुख्य समस्या भनेकै खानेपानी हो । सदरमुकाम कुश्माबाट नजिक भएर पनि यहाँ खानेपानीको मुख्य समस्या रहेको छ । आर्थिक बर्ष ०७५÷०७६ मा वडाले खानेपानीको समस्या समाधान गर्नका लागि खानेपानीलाई प्राथमिकता दिएर बजेट र कार्यक्रम बनाएको छ । जनताका आवश्यकता र माग थुप्रै छन् तर वडामा आउने बजेट कम हुदा जनताका सबै माग र आवश्यकतालाई पुरा गर्न सकिएको छैन यही नै समस्या हो ।

विकास निर्माणमा जनताको सहभागिता कस्तो छ ?
कुश्मा नगरपालिका वडा नम्बर २ खुर्कोटमा विकास निर्माणको काममा जनताको सहभागिता राम्रो रहेको छ । सरकारले तोकेअनुसार जनताहरु हरेक योजनामा श्रमदानमा समेत खटिएको अवस्था छ । श्रमदानमा कुनै समस्या छैन । विकास निर्माणमा सबै जनताले उत्तिकै चासो राख्नुहुन्छ । उहाँहरुको यो चासोले काम गर्न सहज भएको छ । अन्यत्रजस्तो योजनामा गएको पैसा टालटुल पारेर खाने चलन हाम्रोमा छैन । बजेट गएकोभन्दा बढी काम हुने गरेको मैले महसुस गरेको छु । उपभोक्ता समितिले गरेको काममा म पूर्ण सन्तुष्टि छु । मेरै नेतृत्वमा वडाका पाँच जनै जनप्रतिनिधि गएर काम भए÷नभएको हेर्दा हामी कामप्रति सन्तुष्ट भएका छौ । आगामी बर्षहरुमा पनि जनताहरुको यस्तै सहभागिता र चासो रहनेमा म पूर्ण विश्वासमा छु ।

वडाको समृद्धिका आधारहरु के के हुन ?
वडाको समृद्धिको आधार भनेको उर्बरजमिनमा कृषिजन्य बस्तु, तरकारी, फलफुल लगाउने पशुपालन गर्ने हो । यहाँ प्रशस्तमात्रामा उर्बर भुमि रहेको छ । बनजङ्गल पनि उत्तिकै छ । त्यसको उपभोग गर्नुप¥यो । बजारको कुनै समस्या छैन । कुश्माबजार, बागलुङबजारमा अहिले पनि बाहिरबाट थुप्रै तरकारी, फलफुल, दुध, अण्डा भित्रिरहेको सन्दर्भमा खुर्कोटमा उत्पादन गर्न सक्ने हो भने बाहिरबाट आउने बस्तुहरु रोकिनेछ । कृषिलाई पनि विगतको जस्तो परम्परागत रुपमा नगरी कृषिलाई यान्त्रिकरण गर्दै जोड दिनुपर्छ । त्यसका लागि वडा कार्यालयले गत बर्ष किसानलाई हलो लगायतका सामान छुट अनुदानमा बितरण गरेका छौ । आगामी बर्ष पनि त्यस्ता कार्यक्रमलाई जोड दिन्छौ । अहिले धेरै युवाहरु रोजगारीका लागि बिदेशिएका छन् ।

विकास निर्माणमा तपाईले देखेका चुनौती के छन् ?
वडाको चुनौति भनेको बिदेशीएका युवालाई रोक्न नसक्नु हो । बिदेशमा जति श्रम गर्न सक्ने हो भने त्यहाँ कमाउने भन्दा बढी आफ्नै ठाउँमा कमाउन सकिन्छ । युवाले सीप लिएर गाउँमै कमाउने गराउन चुनौति छ । अर्को कुरा साविकको खुर्कोट गाविस त्यतिबेला पनि ठुलो गाविस थियो । अहिले साविकको खुर्कोट गाविसलाई एउटै वडा बनाइएको छ । साविकको शिवालय गाविसलाई चार वटा वडा बनाइएको छ । सबै वडालाई समान रुपमा विकास बितरण गर्दा खुर्कोटमा निकै कम रकम भित्रिने अवस्था छ । थोरै रकमले सबै जनताले माग गरेका र आवश्यक विकास निर्माणका काम गर्न सकिने रहेन्छ । अहिलेको मुख्य समस्याका रुपमा वडामा निकै कम रकम भित्रिने रहेको छ । गाउँगाउँमा सिंहदरबार भन्ने संघीय र प्रदेश सरकारले स्थानीय तहमा बजेट पठाउन कन्जुस्याई गर्ने अवस्था अन्त्य हुनुपर्छ ।

विकास निर्माणमा जनताले कस्तो महसुस गरेका छन् ?
वडामा भित्रिएको योजनामा बिनियोजन भएको रकमको काममा सन्तुष्ट हुनुहुन्छ । मुख्य कुरा जनताको सबै माग र आवश्यकतालाई पुरा गर्नका निम्ति बजेटको अभाव छ । कम बजेटले धेरैका माग पुरा गर्न नसकिने अवस्था छ । त्यसैले संघ र प्रदेशले स्थानीय तहलाई बढी रकम दिनुपर्छ भन्ने माग जनताको रहेको छ । अहिले भएका विकास निर्माणका काममा सन्तुष्ट नै हुनुहुन्छ ।

तपाईहरुले बढी टुक्रे योजनामा बजेट बिनियोजन गर्नुभयो, देखिने काम भएन भन्ने गुनासो छ नी ?
एकदमै राम्रो प्रश्न गर्नुभयो । यो कुरा हामीले पनि महसुस गरेको कुरा हो । बजेट थोरै, जनताको माग असीमित रहेको छ । असीमित मागलाई सीमित बजेटले सम्बानेधन गर्नसक्ने कुरा भएन । त्यसैले हामीले देखिनेगरी योजना बनाउन भन्दापनि सबैका माग सम्बोधन गर्नेतर्फ जादा बढी टुक्रे योजना बनेको हुन । ठुलो वडामा थोरै पैसाले सीमित र देखिने ठुला योजना बनाउन निकै मुस्किल छ । एकातिर योजना दिने अर्कोतर्फ नदिने गर्दा मान्छेहरु झन चिडिने अवस्था आयो । यसले पनि साना योजना बनाउन बाध्य भएका हौ ।

तपाईको वडा कृषि र पशुपालनमा राम्रो मानिन्छ, किसान लक्षित कार्यक्रम के छन् ?
किसानलक्षित कार्यक्रमलाई प्राथमिकता दिएका छौ । किसानहरु निर्वाहमुखी होइन, अव ब्यावसायमुखी हुनुपर्छ भन्नेमा वडा कार्यालयले जोड दिएको छ । यो बर्षपनि हामीले ४०÷४५ वटा यान्त्रिक हलो बितरण गर्ने योजना बनाएका छौ । कृषिलाई यान्त्रिकरण गर्दै लैजाने, युवालाई कृषि र पशुपालनमा आकर्षित गर्ने वडाको अभियान नै छ । किसानलाई बिउबिजन उपलब्ध गराउने पनि हाम्रो कार्यक्रम छ ।

अन्त्यमा वडाबासीलाई के भन्न चाहनुहुन्छ ?
एकबर्षको कामको समिक्षा गर्दै आगामी बर्षहरुका कार्यक्रममा रायसुझाब दिनुहोला, कमीकमजोरीलाई औल्याएर सच्याउने अवसर दिनुहोला भन्न चाहन्छु । वडालाई सकारात्मक र नमुना वडा बनाउन सही सुझाबको म अपेक्ष गर्दछु ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000