पहिरोले छोराको मृत्युपछि बाबुआमा बिक्षिप्त, काँग्रेस नेता जोशीले दिए सान्त्वना


पर्वत, साउन २–एक्लो छोरा । उसैको सहारामा थिए बाबु आमा । साउने संक्रान्तीको दिन । जलजला गाउँपालिका वडा नम्बर ८ स्थित लस्तीको बेरनेटाका बमबहादुर परियारको घरमा छुट्टै रौनक थियो । श्रीमति रुपा र छोरो विकाससँगै हासीखुशी खाना खाएर सुतेका बमबहादुरकोे परिवारको खुशी केही घण्टामै समाप्त भएको छ ।
राती १० बजे सुतेका उनीहरु १ बजे ठुलै बिपत्ति आइलाग्यो । घरमाथिबाट आएको पहिरोले छोरो विकास गुमाएपछि अहिले विक्षिप्त भएका छन बमबहादुर र उनकी पत्नी रुपा । विकास आगामी असोजमा १६ बर्ष पार गर्दै थिए । तर सँगै खुशीसाथ सुतेको छोरा मध्यरातमा पहिरोले लगेपछि बाबुआमा अर्धचेत अवस्थामा रहेका छन् । सुतीरहेकै बेला ठुलो आवाज आएको र आफुलाई ढुंगाले लागेपछि निद्रा खुलेको बमबहादुरले बताए ।

निद्रा खुल्नेबित्तिकै बाहिर निस्कदा घरको पालीसहित छोरो हराएको उनको भनाई छ । श्रीमति रुपालाई बोलाएर उद्दार गरेपनि छोराको मृत्युले बाच्नु न मर्नु भएको उनले पीडा सुनाए । दुई छोरी र एक छोराका बाबु बमबहादुरको दुई वटा छोरीको बिवाह भइसकेको छ । बेलुका खाना खाएर सुत्नुअघि विकासले आमा रुपालाई बिहान ५ बजे नै खाना तताइदिनु काममा जानुछ भनेका थिए । ‘बाहिर निस्कदा घरको पाली नै थिएन, त्यही पालीमा छोरो सुतिरहेको थियो’ अर्धचेत अवस्थामा रहेकी रुपाले रुँदै भनिन्–‘मेरो छोरोलाई त चरो उड्दाजस्तै गरी लग्यो नी ।’
यसैगरी लस्तीखोलामा आएको बाढीले लस्तीबजार नै जोखिममा परेको छ । खोलाको बाढीले जमिन कटान जारी राखेको छ । लस्तीबजारका दिननाथ आचार्य, कृष्णबहादुर पुन, लक्ष्मी नेपाली, समिक्षा चोचाङ्गी, मानबहादुर चोचाङ्गी, बम्बे दमाईको घर जोखिमा परेको छ । जमिन खोलाले कटान गर्दै घरमै पुगेको दिननाथ आचार्यले जानकारी दिए ।

दक्षिणामकाली क्रसर उद्योगमा पनि क्षति पु¥याएको छ । उद्योगमा थुप्रो लगाएर राखेको बालुवा लस्ती खोलाको भेलले कालीगण्डकी नदीमा मिसाइदिएको क्रसर उद्योग सञ्चालक विप्लब हमालले जानकारी दिए । पहिरोले मालढुंगा–बेनी सडक समेत अबरुद्ध गरेको थियो ।
रातीदेखि अबरुद्ध भएको सडक बिहान खुलाइएको थियो । सारङे खोलाले ध१ज ५४२ नम्बरको ट्याक्सी समेत बगाएर कालीगण्डकी नदी किनारमा पु¥याएको छ । पहिरोका कारण जलजला गाउँपािलका वडा नम्बर ७ धाइरिङ बाँस्कोटका भिमलाल आचार्यको घर पनि भत्किएको छ । घर भत्किदा भिमलालसहित नारायणी आचार्य, तुलसीदेवी आचार्य घाइते भएका छन् । नारायणी आचार्यको अवस्था गम्भिर छ ।

यसैबिच पूर्वसांसद एवम् काँग्रेस नेता अर्जुनप्रसाद जोशीले बमबहादुर र रुपालाई भेटेर सान्त्वना दिएका छन् । विपत् कहिले र कतिबेला आउछ कसैलाई थाहा नहुने भन्दै उनले संयम, धैर्य र सचेत भएर सामना गर्नुपर्ने बताएका छन् । उनले बुधबारै पहिरो गएको स्थानको अवलोकन गरेर राहत तथा खोला नियन्त्रणका लागि सम्बन्धित ठाउँमा पहल गर्ने आश्वासन दिए ।
पहिरोमा मृत्यु भएका परिवारलाई जिल्ला प्रशासन कार्यालय पर्वतले बुधबार नै एक लाख रुपैयाँ प्रदान गरेको छ । जिल्ला विपत् ब्यवस्थापन समितिको बैठकले उक्त सहयोगको रकम अनुमोदन गर्दै २२ परिवारलाई तत्काल सुरक्षित ठाउँमा सार्ने निर्णय गरेको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000