एक रुपैयाँ भ्रष्टाचार गर्दिन, कसैलाई गर्न पनि दिन्न ः कुश्मा नगर प्रमुख रामचन्द्र जोशी

पर्वत, जेठ ५–कुश्मा नगरपालिकाका नवनिर्वाचित प्रमुख रामचन्द्र जोशीले आफुले एक रुपैयाँ भ्रष्टाचार नगर्ने र कसैलाई गर्न पनि नदिने उद्घोष गरेका छन् । शुक्रबार नगर कार्यालयमा पदबहाली गर्दै जोशीले आफु नगरको विकास र समृद्धिको एकमात्र ध्येय बोकेर आएको भन्दै जनताको हितमा काम गर्न कर्मचारीलाई निर्देशन दिए ।
नगरबाट पाउने सेवासुविधा भन्दा आर्थिक लाभका लागि गलत मनसाय नराख्न पनि उनले आग्रह गरे । ‘मैले नगरको विकास र समृद्धिका लागि काम गर्ने एकमात्र ध्येय बोकेर आएको छु, एक रुपैयाँ पनि भ्रष्टाचार गर्दिन र गर्न पनि दिन्न’ उनले भने–‘नगरभित्र काम गर्ने कसैले पनि आर्थिक लाभका लागि गलत मनसाय नगरीदिनुहोला ।’
यसैबिच नगर प्रमुख जोशीले पदबहालीसँगै तीन वटा निर्णय गरेका छन् । उनले सदरमुकामबाट सञ्चालन हुँदै आएका वडा कार्यालयलाई तत्काल सम्बन्धित वडामा सञ्चालन गर्ने, एक घर एक धारालाई अभियान चलाउने र बजारक्षेत्रमा बाँकी रहेका ठाउँमा सौर्यबत्ती राख्ने निर्णय गरेका छन् ।
त्यसअघि कुश्मा नगरपालिकाका प्रमुख जोशी, उपप्रमुख सिता लामिछानेसहित १४ वडाका वडा अध्यक्ष र सदस्यहरुलाई शुक्रबार पद तथा गोपनियताको सपथ गराइएको थियो । प्रमुख, उपप्रमुख र वडा अध्यक्षलाई मुख्य निर्वाचन अधिकृत मोहनराज भट्टराई र वडा सदस्यलाई नगर प्रमुख जोशीले सपथ गराएका थिए ।
यसैबिच शुक्रबारै फलेबास नगरपालिकाका प्रमुख पदमपाणी शर्मा, उपप्रमुख मञ्जु अधिकारी, पैंयूँ गाउँपालिकाका अध्यक्ष खगेन्द्रप्रसाद तिवारी, उपाध्यक्ष जसमति गुरुङसहित वडाअध्यक्षले पद तथा गोपनियताको सपथ लिएका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

गण्डकीका मुख्यमन्त्रीद्वारा विश्वासको मत लिने तयारी

सेतीवेणीका आठ घर डुबानमा, त्रासले रातभर जाग्राम

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा




About Sarathi news
Description goes here
NEPAL OFFICE

Address 1
Kathmandu, Nepal

977-0000000000