चुनाव खर्च आयोगले तोकेको सीमाभन्दा चार गुणा बढी

काठमाडौं २५ बैशाख । स्थानीय तहको निर्वाचनमा एउटा वडा अध्यक्षलाई निर्वाचन प्रचार प्रसारमा कति खर्च लाग्ला ? निर्वाचन आयोगले चाँही वडाध्यक्ष र सदस्यले १ लाखसम्म मात्र खर्च गर्न पाउने सीमा तोकेको छ । तर वडा अध्यक्ष र सदस्यका उम्मेदवारहरुले भने आयोगले तोकेको खर्च सीमाभित्र बसेर चुनाव लड्न नसकिएको बताएका छन् । निर्वाचन खर्च थेग्नै नसक्ने गरी हुने उनीहरुको अनुभवले देखाएको छ ।

नाम उल्लेख नगर्ने सर्तमा नुवाकोटको एक गाउँपालिकाका वडा अध्यक्षले भने, अहिलेसम्म ४ लाख रुपैयाँ सकिसक्यो, चुनाव सक्दासम्म ७ देखि १० लाखसम्म खर्च हुन पुग्न सक्छ ।’

धादिङ जिल्लाका केही वडा अध्यक्षहरुको पनि त्यस्तै भनाइ छ ।

स्थानीय निर्वाचन प्रचारमा निर्वाचन आयोगले तोकेको खर्चको सीमाभन्दा कम्तिमा ४ गुणा बढी खर्च भइसकेको उनीहरुले बताएका हुन् । तर निर्वाचन आचार संहिता आकर्षित हुने हुँदा उनीहरुले आफ्नो नाम भने उल्लेख गर्न चाहेका छैनन् ।

अब प्रश्न उठ्छ, एउटा वडा अध्यक्षका लागि कसरी ७ देखि १० खर्च हुन्छ ?

हरेक उम्मेदवारको अन्तिम उद्देश्य जसरी पनि चुनाव जित्नु हुन्छ । एउटा वडामा हुने चुनावी खर्चको सामान्य ब्याख्या गर्दै धादिङका एक पार्टीका कार्यकर्ताले भने, ‘सबैभन्दा बढी खर्च कार्यकर्ताको खानपान र कपडामा हुन्छ । उम्मेदवारहरुका अनुसार चुनाव प्रचारमा हिँडेका कार्यकर्तालाई खाना, खाजा र पेय पदार्थमा सबैभन्दा बढी खर्च भइरहेको छ । हरेक खानामा मासुभात र पेय पदार्थले बढी बिल उठाइरहेको उम्मेदवारहरुको गुनासो छ ।

त्यसपछि दलको चुनाव चिन्ह र नारा लेखिएका टिसर्ट छाप्न बढी पैसा खर्च भएको छ । एउटा वडाका लागि हरेक पार्टीले कम्तिमा ५ देखि ६ सयसम्म टिसर्ट छापिरहेका छन् । एउटा टिसर्टलाई १ सय ५० देखि ३ सयसम्म पर्छ । त्यसो हुँदा २ सयका दरले ५ सय टिसर्टको मात्र हिसाब गर्दा पनि एकलाख ५० हजार टिसर्टमै खर्च हुन्छ ।

त्यसपछि अर्को खर्च झण्डा खरिदमा देखिएको छ । गाउँपालिका अन्तर्गतको एउटा वडाका लागि पार्टीको झण्डा र चुनाव चिहृन भएको झण्डा मात्र कम्तिमा ६ देखि ७ सय खर्च हुने गरेको छ । एउटा त्यस्तो झण्डालाई ५० देखि ८० रुपैयाँ पर्ने गरेको छ । ६ सय साना झण्डा खरिद गर्दामात्र ४८ हजार सकिन्छ ।

यस्तै एक मिटरको ठूला झण्डा दुई सयजति खर्च गर्दा थप व्ययभार परेको उम्मेदवारहरुले बताएका छन् ।

गाउँपालिका प्रमुखका उम्मेदवार भन्छन्- चुनाव जित्न साढे ३ लाखले पुग्दैन

निर्वाचन आयोगले गाउँपालिका प्रमुखले निर्वाचन प्रचार-प्रसारमा ३ लाख ५० हजारमात्र खर्च गर्न पाउने सीमा तोकेको छ । तर विभिन्न गाउँपालिका अध्यक्षसँग सम्पर्क गर्दा उनीहरुले अहिले नै करिब १० लाख सकिसकेको बताएका छन् ।

अधिकांश गाउँपालिका प्रमुखको उम्मेदवारले चुनाव सम्पन्न हुँदासम्म १५ लाखसम्म खर्च हुने अनुमान गरेका छन् । काठमाडौं उपत्यका भित्रको नगरपालिकाको एक मेयरका उम्मेदवारले निर्वाचन सम्पन्न हुँदासम्म २५ देखि ३० लाख खर्च हुने अनुमान गरेका छन् । उनले भने, ‘निर्वाचन आयोगले एउटा नगरपालिकाको मेयरको उम्मेदवारले ४ लाखसम्म खर्च गर्न पाउने भनेको छ । तर त्यो रकमले कार्यकर्तालाई खाजा खुवाउन पनि पुग्दैन ।’

महानगरपालिकाको मेयर-उपमेयरको खर्च कति ?

चार महानगरपालिकाको मेयर र उपमेयरले भने चुनावी खर्चको अनुमानित आकारबारे कुनै प्रतिक्रिया दिन चाहेनन् । उनीहरुले निर्वाचन आचार संहिता आकर्षित हुने विषय भएकाले ठ्याक्कै केही भन्न नसक्ने बताए । ललितपुर महानगरपालिकाको मेयरका उम्मेदवारमध्ये चिरीबाबु महर्जनले भने आयोगले तोकेको सीमाभित्र बस्न गाह्रो भइरहेको प्रतिक्रिया दिएका छन् ।

कसरी देखाउने चुनावी हिसाब ?

उम्मेदवारहरुले निर्वाचन आयोग समक्ष चुनावी खर्च भने आयोगले तोेकेको समयसीमा भित्र रहेर पेश गर्ने बताएका छन् । उनीहरुले भने, ‘हाम्रो वाध्यता आयोगले बुझ्दैन, अब आयोगलाई विवरण पेश गर्दा बढी खर्च भएको छैन भन्नुको कुनै अर्को विकल्प छैन ।’

आयोग भन्छ- बढी खर्च भएको प्रमाण छैन

निर्वाचन आयोगका प्रवक्ता सूर्यप्रसाद शर्माले भने दलहरुले निर्वाचन खर्च सीमाभन्दा बढी खर्च भएको आधार र प्रमाण आयोगले नभेटेको बताए । आयोगले खटाएको सुक्ष्म अनुगमन र अन्य विविध प्रकृतिको अनुगमनमा त्यस्तो नदेखिएको आयोगले जनाएको छ । कुनै उम्मेदवारले निर्वाचन आचारसंहिता विपरित बढी खर्च गरेको पुष्टी भएमा आचार संहितामा उल्लेख भएअनुसार कारबाही गरिने आयोगले जनाएको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000