को हुन् फ्रान्सका नयाँ राष्ट्रपति म्याक्रोन ?

काठमाडौं  बैशाख २५। तीन वर्ष अघिसम्म इमानुएल म्याक्रोनलाई धेरै फ्रान्सेली जनताले चिन्दैनथे । तर, उनी आज फ्रान्सको राष्ट्रपतिमा निर्वाचित भएका छन् । राजनीतिक दल खोलेको एक वर्षमा नै राष्ट्रपति बन्नु असाधारण सफलताको कथा हो । ३९ वर्षीय म्याक्रोन आधुनिक फ्रान्सको सबैभन्दा कम उमेरका राष्ट्रपति पनि हुन् ।

दक्षिणपन्थी म्यारिन पेनलाई पराजित गर्दै राष्ट्रपति बनेका उनले यसअघि कुनै पनि निर्वाचित पद सम्हालेका छैनन् । साथै फ्रान्समा १९५८ पछि पहिलो पटक यस्तो भएको छ, राष्ट्रपति दुई प्रमुख पार्टी सोशलिस्ट र सेन्टर राइट रिपब्लिकन पार्टीबाट छैनन् ।

एक इन्भेस्टमेन्ट बैंकमा काम गरेका म्याक्रोन फ्रान्सका निवर्तमान राष्ट्रपति फ्रान्स्वा आलान्दको आर्थिक सल्लाहकार बने । पछि ओलन्दले अर्थमन्त्री बनाए ।

सरकारमै रहेको बेला ठीक एक वर्षअघि उनले ‘एन माश’ भन्ने नयाँ दलको घोषणा गरे । त्यसको चार महिनापछि अर्थमन्त्री छाडेका उनले राष्ट्रपति पदमा उम्मेदवारी दिए ।

उनलाई पुरानो राजनीतिक वृत्त भन्दा बाहिरको उम्मेदवारको रुपमा हेरिएको थियो । तर, अभूतपूर्व चुनावी अभियानपछि दुई ठूलो परम्परागत राजनीतिक शक्तिका उम्मेदवारलाई पहिलो चरणमै पराजित गरेपछि उनी अब राष्ट्रपति बने ।

फ्रान्सका नयाँ राष्ट्रपति म्याक्रोन आफ्नो अनौठो प्रेम कथाका कारण पनि चर्चित छन् । उनले आफूभन्दा २४ वर्ष जेठी शिक्षिका ब्रिजिट  ट्रोनियोसँग विवाह गरेका छन् ।
उनीहरुको पहिलो भेट १९९२ मा भएको थियो, जति बेला इमानुएल म्याक्रोन १५ वर्षका थिए ।

१७ वर्षको उमेरमा नै आफ्नी गुरुआमालाई प्रेम प्रस्ताव राखेका उनले त्यसको १२ वर्षपछि बिहे गरे । आफ्नो विद्यार्थी म्याक्रोनसँग बिहे गर्न तीन सन्तानकी आमा ब्रिजिटले आफ्नो पतिसँग सम्वन्ध विच्छेद नै गरेकी थिइन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000