कर्जा कडाइले सेयर बजार प्रभावित, केही लगानीकर्ता चुनावी दौडाहामा

काठमाडौं २४ वैशाख। गत विहीबारदेखि नेप्से (नेपाल स्टक एक्सचेन्ज) ओरालो लाग्ने क्रममा देखिएको छ ।

आइतबार नेप्से परिसूचक २४ अंकले घटेर १६२८ बिन्दुमा आइपुगेको छ । ‘अहिले लगानीकर्ताले लिएको सेयर कर्जाको ब्याज बढेको छ, नयाँ कर्जा जारी गर्न पनि बैंकहरु खासै इच्छुक देखिएका छैनन्,’ स्टक ब्रोकर एशोसिएशन अफ नेपालका अध्यक्ष प्रियराज रेग्मीले बताए । बैंकहरुले निक्षेपको ब्याज दर बढाएसँगै चैतको दोस्रो साता देखिनै कर्जाको ब्याजदर पनि वृद्धि गरेका छन् ।

बैंकहरुले नयाँ कर्जा जारी गर्न कडाइ गरेपछि आइतबार भने बजारमा ६९ करोड रुपैयाँको कारोबार भएको छ । यसअघि दैनिक डेढ अर्ब रुपैयाँसम्म सेयर किनबेच भइरहेको थियो । ‘अहिले त सबै लगानीकर्ताहरु आफैसँगको पुँजी लगानी गरिरहेका छन्,’ रेग्मीले स्पष्ट पारे । कर्जा सहज हुँदाको अवस्थामा पनि बजारमा २५ देखि ३० प्रतिशत लगानी कर्जा लिएर हुने गरेको उनको भनाई छ ।

चुनावको लागि केही लगानीकर्ताहरु बजारभन्दा बाहिर रहेको कारणले पनि लगानीमा केही कमि भएको हुनसक्नेमा रेग्मी सहमत जनाउछन् ।

यही बैशाख ३० गते बाट बुक क्लोज मिती सार्वजनिक गरेको सनराइजको सेयरमा आकर्षण देखिएको छ । बैंकको २ करोड २८ लाख रुपैयाँको सेयर कारोबार भएको छ । त्यस्तै, नेपाल एसबीआई , नेपाल इन्भेष्टमेन्ट, प्रभु बैंकको पनि सेयर कारोबार उच्च छ । ६ करोडको सेयर किनबेच भएको नेपाल एसबीआईको बुक क्लोज मिती (बैशाख २६) गते रहेकोले कारोबार बढेको हो । बैंकले ४० प्रतिशत हकप्रद सेयर जारी गर्ने भएको छ ।

मेरो माइक्रोफाइनान्स र साहारा बिकास बैंकको सेयर मूल्य क्रमशः ८ प्रतिशत र १० प्रतिशतले बढेको छ । हालै मर्जर प्रक्रियाबाट बाहिरीएको साहारा बिकासमा लगानीकर्ता आकर्षित देखिएका हुन् । मेरो माइक्रोको नाफा २५.२५ प्रतिशतले वृद्धि भएको छ ।
सेन्ट्रल फाइनान्सको गत शुक्रबार बसेको सञ्चालक समितिको बैठकले ५० प्रतिशत हकप्रद दिने निर्णय गरेको छ ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000