पैंयूँमा पूर्वगाविस अध्यक्षबिच प्रतिष्पर्धा

खगेन्द्रप्रसाद तिवारी

इन्दिरा देवी शर्मा

पर्वत, बैशाख २४ ।

सँगै राजनीतिक यात्रा प्रारम्भ । २०४३ सालमा दुबै जना प्रधानपञ्च । २०४९ सालमासँगै गाविस अध्यक्ष निर्वाचित । स्थानीय तहको चुनावमा पैंयू“ गाउँपालिकाको अध्यक्षका प्रतिष्पर्धी ती हुन नेपाली काँग्रेसका खगेन्द्रप्रसाद तिवारी र एमालेका मित्रलाल बस्याल ।

आधा दर्जन आकांक्षी हुँदाहुँदै काँग्रेसले जीत सुनिश्चित गर्न भन्दै पार्टीले पैयूँका प्रभावशाली तिवारीलाई उम्मेदवार बनाएको हो । एमालेले काँग्रेससँगको प्रतिष्पर्धामा उत्रनसक्ने नेताका रुपमा बस्याललाई अगाडी सारेको छ । काँग्रेसका महासमिति सदस्य तिवारी २०४३ सालमा भएको पञ्चायत चुनावमा सरौखोला गाउँपञ्चायतबाट प्रधानपञ्च भएका हुन ।

एमालेका पूर्वक्षेत्रीय अध्यक्ष बस्याल हुवास गाउँ पञ्चायतबाट २०४३ सालमै प्रधानपञ्चमा चुनाव जिते । २०४६ सालको परिवर्तन पछि धेरै पञ्चहरु काँग्रेस एमालेमा प्रवेश गरे । तिवारी २०४८ सालमा काँग्रेसमा भित्रिए । बाल्यकालदेखिकै तिवारीका साथी र पारिवारिक सम्बन्ध बोकेका बस्याल त्यही समयमा एमाले भए । २०४९ सालको स्थानीय निकायको निर्वाचनमा पनि तिवारी र बस्याल गाविस अध्यक्षमा निर्वाचित भए । तिवारी सरौखोला गाविस र बस्याल हुवास गाविसको अध्यक्षमा चुनाव जिते ।

मित्रलाल बस्याल

२०५४ सालको स्थानीय निकायको चुनावमा समेत सरौखोला गाविसमा अध्यक्षमा निर्वाचित तिवारी हाल काँग्रेसको महासमिति सदस्य छन् । उनी १२ औ र १३ औ महाधिवेशनमा जिल्ला सभापतिमा पराजित भएका थिए । बस्याल नेकपा एमाले पर्वत क्षेत्र नम्बर २ का पूर्वक्षेत्रीय अध्यक्ष हुन । यसरी बाल्यकालदेखिका साथी भएर फरक–फरक पार्टीमा राजनीति गर्ने तिवारी र बस्यालबिचको प्रतिष्पर्धा लाई रोचक मानिएको छ ।

पैंयू गाउँपालिकाको जनतामा उत्तिकै मात्रामा भिजेका छन् दुबैजना । दुबै उम्मेदवार पैंयूक्षेत्रमा लोकप्रिय मानिन्छन् । २०५४ सालको स्थानीय निकायको चुनावमा पैंयु गाउँपालिकामा रहेका साविकका छ वटा गाविस मध्ये हुवास, टकलाक, बेउलीबास, सरौखोला र भोर्ले काँग्रेसले र त्रिवेणी एमालेले जितेको थियो । मतका हिसाबले काँग्रेसको पकेटक्षेत्र मानिन्छ पैंयूँ । तर, विगतका चुनावलाई केलाउदा पैयूँका मतदातामा पार्टीभन्दा ब्यक्ति रोज्ने प्रबृत्ति हाबी छ ।

दुबै जनाले पैंयुँ गाउँपालिका लाई समृद्ध बनाउन कृषि, पर्यटन र पूर्वाधारलाई प्रमुख मुद्दा बनाएका छन् । सात वटा वडा रहेको पैयुँ गाउँपालिकामा नौ हजार आठ सय ६६ जना मतदाता रहेका छन् । पैंयू गाउँपालिकामा नेकपा माओबादी केन्द्रबाट अध्यक्षमा पुण्यप्रसाद आचार्य उम्मेदवार बनेका छन् । उपप्रमुखमा काँग्रेसबाट पुराना नेतृ जसमति गुरुङ, एमालेबाट गोमता शर्मा र माओबादी केन्द्रबाट अम्बिका न्यौपाने उम्मेदवार भएका छन् । काँग्रेसले यो गाउँपालिकामा सबैभन्दा पहिले सर्बसम्मत रुपमा उम्मेदवार चयन गरेको थियो । अन्यत्र मनोनयन दर्ताको दिन मात्रै उम्मेदवारको बारेमा निर्णय हुँदै गर्दा पैंयूमा काँग्रेसका उम्मेदवार धेरै ठाउँमा प्रचार सकिसकेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000