जलजलाका गाउँसभा, महत्वपूर्ण निर्णय गर्दै सम्पन्न

पर्वत, माघ ५–जलजला गाउँपालिकाले प्रशासनिक भवन निर्माणका लागि जग्गाको टुंगो लगाएको छ । हाल गाउँपालिकाको कार्यालय रहेको नजिकै गाउँपालिकाले जग्गाको टुंगो लगाएर आइतबार सम्पन्न गाउँसभाले पारित गरेको हो । गाउँसभाले १२ रोपनी जग्गाको टुंगो लगाई भवन निर्माण गर्ने निर्णय गरेको हो ।
प्रशासनिक भवन निर्माणका लागी जग्गा प्राप्त गर्न कार्यपालिका वैठकले अध्यक्ष यामबहादुर मल्ल (रामकृष्ण)लाई जिम्मा दिएको थियो । सोही अनुरुप करिव आठ रोपनी जग्गा खरिद गर्ने र बाँकी जग्गा निःशुल्क प्राप्त गर्ने गरी जग्गा प्राप्तिको प्रक्रिया अगाडी वढाउने निर्णय गरेको हो । ‘गाउँपालिकाको प्रशासनकि भवन निर्माणका लागि जग्गाको टुंगो लगाउने काम गाउँसभाले गरेको छ’ अध्यक्ष मल्लले भने । त्यसैगरी कच्ची केही ग्रामिण सडकमा यातायात सहज रुपमा गुड्ने बनाउनका लागि तीन वटा सडकमा ३०÷३० लाख रुपैयाँ बिनियोजन गर्ने निर्णय भएको पनि अध्यक्ष मल्लले जानकारी दिए ।
उनकाअनुसार शालिजा र लेखफाँट जाने सडकका लागि ३०÷३० लाख र मल्लाज, बासखर्क हुँदै लेखफाँटको फलामेडाँडा जाने सडकमा ३० लाख रुपैयाँ बजेट बिनियोजन गरिएको हो । त्यस्तै गाउँसभाले वारीबेनी बसपार्क कालोपत्रे गर्न बहुबर्षिय योजनाअन्र्तगत चालु आर्थिक बर्षका लागि २५ लाख रुपैयाँ बिनियोजन गर्ने निर्णय पनि गाउँपालिकाले गरेको छ । यसैगरी जलजला गाउँपालिकालाई नगरपालिकामा स्तरोन्नतीका लागि प्रस्ताव गरिएको छ । गाउँसभाले सबै मापदण्ड पुग्ने भएका कारण जलजला गाउँपालिकालाई नगरपालिका बनाउनका लागि प्रस्ताव गर्ने निर्णय गरेको छ ।
गाउँसभाले जलजलाको हम्पालक्षेत्रलाई पर्यटकीय गन्तब्य बनाउने, मजदुर कोषलाई प्रभावकारी बनाउने, १० शैय्याको अस्पताललाई तत्काल निर्माण सुरु गर्ने, औद्योगिकग्रामलाई थप ३० लाख थप गर्ने निर्णय गरेको पनि अध्यक्ष मल्लले जानकारी दिए ।
जलजला गाउँपालिकाका प्रमुख प्रशासकिय अधिकृत अर्जुन शर्माले नवौ गाउँसभाले विभिन्न महत्वपूर्ण निर्णय गरेको जानकारी दिए । उनकाअनुसार सभाले घरनक्सा अभिलेखीकरणका लागि राजश्वका दरमा केही परिवर्तन गर्ने, घर नक्सा पासका लागि गाँउपालिका भित्रका विभिन्न सडकमा मापदण्ड परिवर्तन गर्ने निणर्य पनि गरेको छ ।
त्यसैगरी आगामी शैक्षिक सत्रदेखी गाँउपालिकाका सामुदायिक विद्यालयहरु मर्ज गर्दै जाने, विभिन्न योजना तथा कार्यक्रमहरु रकमान्तर तथा संसोधन गर्ने र विभिन्न योजना तथा कार्यक्रम फरफारक तथा अनुमोदन गरिएको पनि प्रमुख प्रशासकिय अधिकृत शर्माले जानकारी दिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000