माेदीमा १० शैयाकाे अस्पताल भवन सांंसद गिरीद्वारा शिलन्यास

 

 

पर्बत, मंसिर १६ । जिल्लाको मोदी गाउँपालिकामा १० शैयाको आधारभूत अस्पतालको शिल्यान्यास भएको छ । प्रतिनिधि सभाका सांसद पदम गिरीले एक कार्यक्रमका वीच अस्पतालको शिल्यान्यास गरेका हुन् । मोदी गाउँपालिका वडा न ५ बाजुङको पोखरे भन्ने स्थानमा उक्त अस्पताल भवनको शिल्यान्यास भएको हो ।

अस्पतालको शिल्यान्यास कार्यक्रममा बोल्दै सांसद गिरीले संविधानले जनताको स्वास्थ्य सेवाको सुनिश्चिता सरकारले गर्नुपर्ने कुरा उल्लेख गरेको भन्दै स्वास्थ्य र आवासको ग्यारेन्टी गर्न शुरुवात गरिएको उल्लेख गरे । उनले कोहि पनि जनता स्वास्थ्य सेवा नपाएर अकालमा मर्न नपर्ने बनाउनका लागि वर्तमान सरकारले एक पालिका एक अस्पतालको अवधारणा अघि सारेको समेत बताए । कार्यक्रममा सांसद गिरीले स्वास्थ्य सेवा संगै जिल्लामा अन्य विकास निर्माणका कामहरु पनि संगै अघि बढेको बताए । सडक सञ्जाल र अन्य पूर्वाधार क्षेत्रमा पर्वत जिल्लाले काचुली फेर्न लागेको उनको भनाई छ ।

कार्यक्रममा मोदी गाउँपालिकाका अध्यक्ष प्रेम पौडेलले गाउँपालिकालाई सम्बृद्ध बनाउन पर्यटन, सडक र स्वास्थ्यको क्षेत्रमा उल्लेखनीय कामहरु गरिएको जानकारी दिए । उनले कृषि र पशुपालनमा तथा लघु उद्यमकोे माध्यमबाट आर्थिक उपार्जनमा नागरिकलाई लैजाने गरी गाउँपालिकाले योजना गरेको समेत बताए ।
कार्यक्रममा मोदी गाउँपालिकाकी उपाध्यक्ष सेती महतले सवैको साझा र अपनत्व हुने गरी अस्पतालले सेवा प्रवाह गराउने कुरामा सवैले ध्यान दिनुपर्ने बताईन । अस्पतालको भवन निर्माण सके पछि त्यहाँबाट प्रवाह हुने सेवाले जनतामा सन्तुष्टिको मापन हुने उनको भनाई थियो ।

कार्यक्रममा जग्गादाता मनकुमार पौडेलले निशुल्क जग्गा उपलब्ध गराएर जनताको स्वास्थ्य सेवा पाउने कुरामा आफूहरुले निकै ठूलो योगदान गरेको जानकारी गराए ।
गाउँपालिकाका प्रमुख प्रशासकीय अधिकृत किसान बहादुर क्षेत्रीले सञ्चालन गरेको कार्यक्रममा स्वागत मन्तब्य वडा अध्यक्ष दलबहादुर मल्ल राखेका थिए । १० करोड ८३ लाख ३६ हजारको कुल लागतमा निर्माण हुने अस्पताल १० शैयाको हुनेछ । अस्पताल निर्माण गर्नका लागि स्थानीयहरुले ९ रोपनी जग्गा निशुल्क उपलब्ध गराएका छन् ।

अस्पताल निर्माणका लागि उपयुक्त र निशुःल्क जग्गाको खोजी हुँदा स्थानीयले आवश्यक क्षेत्रफलको जग्गा उपलब्ध गराएपछि सो स्थानमा अस्पताल निर्माण हुने भएको हो । अस्पताल मध्यपहाडी लोकमार्गबाट ५ सय मिटर मात्रको दुरीमा निर्माण हुन लागेको छ । यस अघि गाउँपालिकामा ८ वटा स्वास्थ्य चौकी र अन्य नीजि क्लिनिकहरुले स्वास्थ्य सेवा प्रवाह गर्दै आइरहेका छन् ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000