काँग्रेस केन्द्रीय सदस्य जोशीले दिए स्वास्थ्य सामाग्री

पर्वत, जेठ २४–नेपाली काँग्रेसका केन्द्रीय सदस्य तथा संविधानसभा सदस्य अर्जुनप्रसाद जोशीले स्वास्थ्य सामाग्री हस्तान्तरण गरेका छन् । पर्वत जिल्लालाई कोरोनाको उच्च जोखिमबाट सुरक्षित राख्ने अभिप्रायले जिल्लामा गठित कोरोना नियन्त्रण समन्वय समितिलाई शनिबार जिल्ला प्रशासनमा पुगेर अत्यावश्यक स्वास्थ्य सामग्री हस्तान्तरण गरेका हुन । पर्वतका प्रमुख जिल्ला अधिकारी शम्भु रेग्मीमार्फत समितिलाई उक्त स्वास्थ्य सामग्री जोशीले हस्तान्तरण गरेका हुन ।
चार हजार पाँच सय थान मास्क, दुई सेट पिपिइ र तीन सय बोतल सेनिटाइजार प्रमुख जिल्ला अधिकारी रेग्मीमार्फत जोशीले हस्तान्तरण गरेको जानकारी दिए । सरकारले राहत एकद्धार प्रणालीमार्फत बितरण गर्ने नीतिअनुसार आफुसँग प्राप्त भएको स्वास्थ्य सामाग्री सरकारी निकायमार्फत नै बितरण गर्नका लागि हस्तान्तरण गरेको जोशीले बताए ।
काँग्रेस नेता जोशीले कोभिड–१९ को महामारीबाट बच्ने र बचाउने दायित्व र जिम्मेवारी सबैको भएकोले शुरूदेखि नै आफूले यो अभियानमा रचनात्मक सुझाव सहित सहयोग गर्दै आएको वताए । ‘हरेक महामारी र विपत्ति जिल्लाबासीका साझा समस्या हुन्, यी समस्याविरूद्ध हामी सबैको साझा दृष्टिकोण र प्रतिबद्धता चाहिन्छ’–नेता जोशीले भने । उनले कोरोनाको नियन्त्रण र रोकथामका लागि स्थानीय प्रशासनले बनाउने हरेक रणनीतिक योजनामा आफ्नो पुरै सहयोग रहने प्रतिबद्धता समेत जनाए ।
काँग्रेस नेता जोशीले स्वास्थ्य सामग्री व्यवस्थापनमा सहयोग गर्ने वतास ब्रदर पोखरा, हरिवोल भण्डारी अमेरिका, महेश श्रेष्ठ जापान र विद्यार्थी नेता केदार सुवेदी लगायतलाई धन्यवाद समेत व्यक्त गरे । कार्यक्रममा प्रमुख जिल्ला अधिकारी शम्भुप्रसाद रेग्मीले संकटको घडीमा स्वास्थ्य सामग्री सहयोग गरेर कोरोना विरूद्धको अभियानमा महत्वपूर्ण योगदान पु¥याएकोमा संविधानसभा सदस्य जोशीप्रति धन्यवाद प्रकट गरे ।
प्रजिअ रेग्मीले पर्वतमा कोरोना संक्रमितको संख्या बढ्ने संभावना रहेकोले आईसोलेशन थप गर्न आवश्यक रहेको भन्दै त्यसकालागि आवश्यक सहयोग गर्न नेता जोशीलाई अनुरोध समेत गरे । कार्यक्रममा स्वास्थ्य कार्यालय पर्वतका डा.भोजराज गौतमले समितिलाई प्राप्त स्वास्थ्य सामग्रीहरू आवश्यकता अनुसार सातै स्थानीय तहमा पु¥याउने प्रतिबद्धता जनाए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000