जलजला गाउँपालिकाको सातौं गाउँसभा सम्पन्न, कालाञ्जरको विकासका लागि विशेष प्राथमिकता दिइने


पर्वत, माघ २८–जलजला गाउँपालिकाको सातौं गाउँसभा सोमवार लामाखेतमा सम्पन्न भएको छ । कालाञ्जरक्षेत्रको विकासका लागि विशेष प्राथमिकता दिने लगायत विविध निर्णय गर्दै गाउँसभा सम्पन्न भएको हो । गाउँसभालाई सम्बोधन गर्दै जलजला गाउँपालिकाका अध्यक्ष यामबहादुर मल्ल (रामकृष्ण(ले जलजला गाउँपालिकाले जनताको आवश्यकताको आधारमा विकास आयोजना तथा प्रशासनिक सेवालाई अघि बढाएको जानकारी दिँदै योजनाहरूलाई जनमैत्री र पारदर्शी ढंगले कार्यान्वयन गराउन सबै जनप्रतिनिधि तथा सेवाग्राहीहरूलाई आग्रह गरे । अध्यक्ष मल्लले गाउँपालिकाको भवन निर्माणका लागि लामाखेत क्षेत्रमै जग्गा खोजी गर्न एउटा सर्बदलीय, सर्बपक्षीय समिति बनाइएको र त्यो समितिले सातदिन भित्र गाउँपालिकालाई सुझाव दिने जानकारी दिए ।
लामाखेत क्षेत्रमै प्रशासकीय भवन निर्माणका लागि पटक–पटक सूचना प्रकाशित गरि जग्गा खोजी गर्ने काम भएको तर हालसम्म निःशुल्क जग्गा उपलब्ध गराउने दाता नभेटिएको उनले बताए । गाउँपालिकाभित्रका ठूला आयोजनाहरूको डिपिआर बनाएर मात्रै काम शुरू गरिने प्रतिबद्धता जनाउदै आगामी बर्ष तीन चार वटा मुख्य सडकलाई डिपिआर गरी कालोपत्रेको काम सुरु गर्ने जानकारी मल्लले दिए ।
अध्यक्ष मल्लले आगामी बैशाख १ गतेदेखि ७ गतेसम्म जलजला गाउँपालिकाको कालाञ्जर क्षेत्रमा आयोजना गर्न लागिएको महायज्ञलाई परिणाममुखी बनाउन गाउँपालिकाका सबै जनप्रतिनिधि तथा स्थानीयबासीहरूलाई आग्रह गरे । गाउँसभाले कालाञ्जर क्षेत्र धार्मिक तथा पर्यटकीय रुपमा महत्वपुर्ण र त्यहाँ बर्षेनी हजारौ धार्मिक तथा अन्य पर्यटक भित्राउन सकिने सम्भावना भएकोले विशेष प्राथमिकता दिएर त्यसको विकासमा लाग्ने निर्णय गरेको छ ।
गाउँसभामा चालु आर्थिक वर्षमा गाउँपालिकाबाट संचालित आयोजनाहरूको अवस्था विश्लेषण तथा फरफारक तथा संशोधन गर्ने, यस आर्थिक वर्षको छ महिनामा गाउँपालिकाबाट भएको बजेट खर्च अनुमोदन गर्ने, व्यवसाय दर्ता करमा छुट दिने, जलजला र सिंगो पर्वतकै धार्मिक तथा पर्यटकीय हबको रूपमा परिचित कालाञ्जर क्षेत्रको विकासका लागि बजेट विनियोजन गर्ने तथा गाउँपालिकाको भवनका बिषयमा निर्णय भएको प्रमुख प्रशासकीय अधिकृत अर्जुन शर्माले जानकारी दिए ।
गाउँसभामा गाउँपालिकाका उपाध्यक्ष सीमा गर्बुजा पुन, वडा नं २ का वडा अध्यक्ष गोविन्द खत्री, वडा नं ३ का वडा अध्यक्ष देवेन्द्रबहादुर भण्डारी रवि, वडा नं ४ का वडा अध्यक्ष भीष्म मल्ल, वडा नम्बर ६ का अध्यक्ष होमबहादुर पुन, वडा नं ७ का वडा अध्यक्ष टुङ्गनाथ आचार्य, वडा नं ८ का वडा अध्यक्ष हरिविकाश जिसी र वडा नं ९ का वडा अध्यक्ष गौबहादुर पुन लगायतले बोलेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000