फलेबासमा बिशेषज्ञ स्वास्थ्य शिविर


पर्वत, चैत २–यहाँ बिशेषज्ञ स्वास्थ्य शिविर सुरु गरिएको छ । फलेबास नगरपालिकाले वडा नम्बर ५ स्थित खानीगाउँमा दुई दिने बृहत विशेषज्ञ स्वास्थ्य शिविर चलाएको हो । आर्थिक अभावका कारण रोग लागेर पनि औषधोपचार गर्न नपाएका बिपन्नलाई ध्यानमा राखेर फलेबार नगरपालिकाले चितवन मेडिकल कलेजको प्राविधिक सहयोगमा शिविर सञ्चालन गरेको हो ।
शिविर उद्घाटन गर्दै फलेबास नगरपालिकाका प्रमुख पदमपाणी शर्माले आर्थिक अभावले रोग लागेर पनि स्वास्थ्य परिक्षणसम्म गर्न नपाएका नगरबासीलाई लक्षित गरेर दुई दिने विशेषज्ञसहितको स्वास्थ्य शिविर आयोजना गरेको जानकारी दिए । उनले शिविरलाई अधिकतम उपयोग गरेर नगरमै उपचारको अवसर सदुपयोग गर्न पनि आग्रह गरे ।

‘विशेषगरी ग्रामिण भेगका बासिन्दा आफुलाई रोग लागेको थाहा पाएपनि आफ्नो स्वास्थ्य परिक्षणसम्म गराउन पाएका छैनन्, त्यसैले हामीले बिपन्नलाई लक्षित गरेर शिविर आयोजना गरेका हौ’ नगर प्रमुख शर्माले भने । उनले प्राविधिक रुपमा सहयोग गरेकोमा चितवन मेडिकल कलेज र चिकित्सक टोलीलाई धन्यबाद दिए ।
कार्यक्रममा चितवन मेडिकल कलेजका बरिष्ठ मुटुरोग विशेषज्ञ श्याम रेग्मीले यो प्रकारको विशेषज्ञसहितको स्वास्थ्य शिविर जहाकही नहुने बताए । उनले भिडियो एक्सरेदेखि इसिजिसम्मका सेवा दिने भन्दै अधिकतम लाभ लिन फलेबास नगरबासीलाई आग्रह गरे । चितवन मेडिकल कलेजका प्रा।डा।दयाराम लम्सालले शिविरमा मुटु, स्त्रीसम्बन्धी, दात, बालरोग, हाडजोर्नी, नाक कान घाटीलगायतका सेवा पाइने बताए ।
शिविरमा फलेबास नगरपालिकाका ११ वटै वडादेखि बागलुङ नगरपालिका, जैमिनी नगरपालिका, बिहादी गाउँपालिका, महाशिला गाउँपालिका, कुश्मा नगरपालिकालगायत स्थानका बासिन्दासमेत स्वास्थ्य परिक्षणका लागि आएका छन् । शिविर शनिबार साझसम्म सञ्चालन हुने भएको छ । स्वास्थ्य परिक्षणका आएका बिरामी मध्ये अधिकांश महिला रहेका छन् ।
विशेषगरी महिलाहरु उपचारका लागि अन्यत्र नजादा उनीहरु सामान्य स्वास्थ्य परिक्षणबाट समेत बञ्चित भएकोले यो शिविरबाट धेरै राहत पाउने फलेबास नगरपालिकाका प्रवक्ता एवम् वडा नम्बर ४ का वडा अध्यक्ष टिकाराम गौडेलले जानकारी दिए । ‘चुलो र चौकोमै रहेका धेरै महिलाहरु अस्वस्थ भएर पनि सामान्य स्वास्थ्य परिक्षण गराउन पनि पाएका थिएनन’ उनले भने–‘शिविरले ठुलो राहत दिएको छ ।’ शिविर शुभारम्भका अवसरमा देवीप्रसाद तिमिल्सिनाले पनि बोलेका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000