गाउँपालिका अध्यक्षद्धारा ब्यक्तिगत एक लाख दान

पर्वत, पुस १०–जलजला गाउँपालिकाका अध्यक्ष यामबहादुर मल्ल (रामकृष्ण)ले ब्यक्तिगत रुपमा एक लाख दान गरेका छन् । जलजला–५ मा रहेको चन्द्रेश्वर शिवालयमा आयोजित शिवमहापुराण तथा विश्वशान्ति धनधान्याञ्चल ज्ञानमहायज्ञमा मल्लले एक लाख ११ हजार एक सय ११ रुपैयाँ दिान गरेका हुन । यो शिवालयको ब्यवस्थापन तथा विकासका लागि स्थानीयले महायज्ञ लगाएका हुन ।
शिवालयको विकासका लागि आफ्नो ब्यक्तिगत रुपमा पनि सहयोग होस् भनेर सहयोग गरेको अध्यक्ष मल्लले जानकारी दिए । ‘सामाजिक तथा धार्मिक काममा मेरो ब्यक्तिगत रुपमा पनि साझेदारी रहोस् भनेर सहयोग गरेको हुँ’ मल्लले भने । मल्लले धार्मिक विकाससँगै पर्यटन विकासलाई पनि जोडेर गाउँपालिकाभित्र रहेका सबै पर्यटकीयस्थलको प्रचारप्रसार तथा विकासका लागि गाउँपालिका सधै सक्रिय रहेको धारणा पनि राखे । चन्दे्रश्वर शिवालयका लागि चालु आर्थिक बर्ष गाउँपालिकाले समेत एक लाख रुपैयाँ बिनियोजन गरेको मल्लले जानकारी दिए ।
मुलसडकदेखि शिवालयसम्म आउने पदमार्ग निर्माणका लागि उक्त रकम बिनियोजन गरेको पनि उनले बताए । महायज्ञ यही पुस २ गतेदेखि सुरु भएको हो । महायज्ञमा हालसम्म ३० लाख रुपैयाँ संकलन भएको महायज्ञ मुल आयोजक समितिका कोषाध्यक्ष हिराबहादुर जिसीले जानकारी दिए । महायज्ञबाट संकलन भएको रकमले शिवालयको नियमित पुजा सञ्चालन र पूर्वाधार निर्माणमा खर्च गर्ने योजना रहेको महायज्ञ मुल आयोजक समितिका अध्यक्ष शेरबहादुर खत्रीले बताए ।
‘यो चन्द्रेश्वर शिवालयको ऐतिहासिक महत्व रहेको छ, त्यसैले हामीले नियमित पुजा चलाउनुका साथै पूर्वाधार निर्माण गर्ने उद्देश्यले रकम संकलन गर्न महायज्ञ लगाएका छौ’ खत्रीले भने । उनकाअनुसार शिवालयको महत्व रहेपनि प्रचारप्रसारको अभावमा ओझेलमा पर्दै आएको थियो । पुस १२ गतेसम्म सञ्चालन हुने महायज्ञमा भिमनाथ पराजुलीले कथावाचन गर्दै आएका छन् ।

 

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000