आयोजक राष्ट्र रूसको विजयी सुरुवात, साउदी अरेबिया ५–० ले स्तब्ध

रूस, जेठ ३१ – २१ औं संस्करणको फिफा विश्वकप फुटबलमा आयोजक राष्ट्र रूसले विजयी सुरुवात गरेको छ। आजबाट रूसको राजधानी मस्को स्थित लुज्निकी रंगशालामा सुरु भएको प्रतियोगितामा रूसले एसियाली राष्ट्र साउदी अरेबियालाई ५–० को फराकिलो गोलअन्तरले पराजित गर्यो। रूसको जितमा डेनिस चेरिसेवले २ तथा युरी गाजिन्स्की, आर्तेम डीजुबा र अलेक्सेन्डर गोलोभिनले गोल गरे।

खेलको १२ औं मिनेटमा अलेक्सान्द्र गोलोभिनले दिएको क्रस पासलाई सदुपयोग गर्दै युरी गाजिन्स्कीले हेडमार्फत गोल गर्दै टोलीलाई अग्रता दिलाएका थिए। त्यस्तै ४३ औं मिनेटमा डेनिस चेरिसेवले टिमका लागि दोस्रो गोल गरे। उनले ३ डिफेण्डरलाई छक्याउँदै शानदार गोल गरेका थिए।  पहिलो हाफमा २–० को अग्रता लिएको रूसले दोस्रो हाफमा ३ गोल थप्यो।

रूसका लागि तेस्रो गोल आर्तेम डीजुबाले गरे। उनले खेलको ७० औँ मिनेटमा मैदान प्रवेश गरेको एक मिनेटमानै गोल गर्दै टोलीको अग्रता तेब्बर बनाएका थिए। रूसका लागि थप २ गोल इन्जुरी समयमा भएको थियो। इन्जुरी समयको पहिलो मिनेटमा डेनिस चेरिसेवले व्याक्तिगत दोस्रो गोल गर्दा टोलीले अग्रता ४–० मा पुर्याएको थियो। रूसका लागि अन्तिम गोल इन्जुरी समयको अन्तिम मिनेटमा अलेक्सेन्डर गोलोभिनले गरे। जितसँगै आयोजक राष्ट्र रूस महत्वपूर्ण ३ अंक जोडन सफल भएको छ।

समूह एमा रहेको साउदीले विश्वकपको उद्घाटन खेलमानै घरेलु टिम रसियासँग लज्जास्पद हार व्यहोरेको हो। फिफाको वरीयताक्रममा ६७ औँ स्थानमा रहेको साउदी अरेबिया र ७० औँ स्थानमा रहेको रुसबीचको खेल विश्वकपको उद्घाटन खेलको इतिहासमा तल्लो वरीयतामा रहेका देशहरुको खेल भएको हो।

प्रतियोगिताअन्तर्गत शुक्रबार ३ खेलहरू हुँदैछन्। शुक्रबारको पहिलो खेलमा साँझ ५ः४५ मा इजिप्ट र उरूग्वे, बेलुकी ८ः४५ मा मोरक्को र इरान तथा राती ११ः४५ मा पोर्चुगल र स्पेनले प्रतिस्पर्धा गर्नेछन्।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000