बिरेठाँटी भएर राउण्ड अन्नपूर्णमा साउनयता साढे ४६ हजार पर्यटक

राउण्ड अन्नपूर्ण घुम्न आएका बिदेशी पर्यटक ।

पर्वत, चैत १३–राउण्ड अन्नपूर्ण क्षेत्रमा बिरेठाटी नाका भएर साउनयता साढे ४६ हजार पर्यटक घुमेर फर्केका छन् । गत जुलाईदेखि हालसम्म ४६ हजार पाँच सय ७३ जना पर्यटकले बिरेठाटी भएर राउण्ड अन्नपूर्णको भ्रमण गरेका हुन । भुकम्प र नाकाबन्दीले सुस्ताएको राउण्ड अन्नपूर्णको पर्यटनक्षेत्र पुनः जुर्मुराउन थालेको छ ।
अन्नपूर्ण पर्यटन चेक पोष्ट बिरेठाटीकाअनुसार भुकम्प र नाकाबन्दीले सुनसानजस्तै भएको अन्नपूर्णक्षेत्रमा पुनः पर्यटक बाक्लिन थालेका हुन । साउनयता ४६ हजार पाँच सय ७३ जना पर्यटकले बिरेठाटी भएर राउण्ड अन्नपूर्णको भ्रमण गरेको र यसले पर्यटनक्षेत्र बिस्तारै पुरानै लयमा फर्केको आभास गरेको चेकपोष्ट इन्चार्ज यमबहादुर गुरुङले बताए ।
‘भुकम्प र नाकाबन्दीले पर्यटनक्षेत्र नराम्ररी प्रभावित भयो, अहिले पुनः पर्यटनक्षेत्र जुर्मुराएको सन्देश दिएको छ’ गुरुङले भने । हालसम्मको तथ्यांक हेर्ने हो भने सन् २०१४ मा अन्नपूर्ण क्षेत्रमा बिरेठाटी नाका भएर सबैभन्दा बढी पर्यटक आएका थिए । सन् २०१४ मा ५६ हजार दुई सय ७४ जनाले यहाँको भ्रमण गरेका थिए । सन् २००८ देखि २०१४ सम्म बर्षेनी हजारौ पर्यटक राउण्ड अन्नपूर्णमा बढिरहेका थिए । तर, सन् २०१५ मा यहाँको पर्यटन क्षेत्र नराम्ररी प्रभावित हुन पुग्यो ।
२०१५ अप्रिल २५ (२०७२ बैशाख १२ ) र त्यसपछि गएका भुकम्पले नेपाल भ्रमण खतरा रहेको अन्तराष्ट्रिय क्षेत्रमा नराम्रो सन्देश प्रवाह भयो । त्यस्तै गरी नेपालमा भारतले लगाएको नाकाबन्दी पनि अर्को समस्या देखियो । नाकाबन्दीले पनि नेपाल असुरक्षित रहेको प्रचारले पर्यटक नेपालमा निकै कम भित्रिए ।
नेपाल आउने धेरै पर्यटकको रोजाईमा पर्ने राउण्ड धौलागिरीमा सन् २०१५ मा बिरेठाटी नाकाबाट जम्मा ३५ हजार नौ सय १८ जनाले मात्रै राउण्ड अन्नपूर्णको भ्रमण गरेका थिए । जबकी सन् २०१४ मा ५६ हजार दुई सय ७४ ले यहाँको भ्रमण गरेका थिए । सन् २०१६ मा बिरेठाटी नाका भएर राउण्ड अन्नपूर्णको भ्रमण गर्ने पर्यटक थप घटे ।
यो बर्ष ३१ हजार तीन सय ८२ ले भ्रमण गरेका थिए । २०१७ मा भने पर्यटनक्षेत्र बिस्तारै पुरानै लयमा फर्कन थालेको छ । ‘गत साउनदेखि हालसम्म ४६ हजार पर्यटक आउनु राउण्ड अन्नपूर्णमा बिस्तारै पर्यटकको आकर्षण बढेको सन्देश हो’ बिरेठाटी चेकपोष्टका इन्चार्ज गुरुङले भने ।
पर्यटक बिस्तारै बढेपनि होटल ब्यवसायी भने चिन्तित छन् । बिरेठाटी, रामदुवाली, स्याउलीबजार लगायतका होटल ब्यवसायी बिस्थापित हुने अवस्थामा पुगेका छन् । पर्यटकहरु पोखराबाट सिधै गाडीमा जाने भएका कारण पर्यटक बढेपनि होटल भने सुनसान छन् ।
पोखरा हुदै आउने बिदेशी पर्यटकहरु पनि नयाँपुल, बिरेठाटी, स्याउलीबजार, रामदुवालीमा रोकिदैनन् । सिधै गाडीमा घान्दु्रक र उल्लेरीसम्म पुग्दा बिचमा खोलिएका होटल, रेष्टुरेन्ट बन्द हुने अवस्थामा पुगेका हुन । ‘पैदल हिँड्ने पर्यटक निकै कम हुँदा विगतमा निकै राम्रो ब्यापार हुने होटल तथा रेष्टुरेन्ट अहिले सुनसान छन्’ गुरुङले भने ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000