पर्वतमा तीन हजार ४३ बिद्यार्थी एसईई परीक्षामा सहभागी हुँदै

पर्वत, चैत ७–यहाँबाट यसबर्षको एसईई परीक्षामा तीन हजार ४३ जना बिद्यार्थी सहभागी हुने भएका छन् । जिल्ला शिक्षा कार्यालय पर्वतले बिहिबारदेखि सुरु हुने परीक्षामा १९ वटा केन्द्रबाट तीन हजार ४३ जनाले परीक्षा दिने जानकारी दिएको छ । तीन हजार ९६ जनाले आवेदन फाराम भरेपनि ५३ जना विभिन्न कारणले अयोग्य देखिएको जिल्ला शिक्षा अधिकारी रमेशराज पौडेलले जानकारी दिए ।
एक हजार पाँच सय ३१ जना छात्रा र एक हजार पाँच सय १२ जना छात्रले पर्वतमा एसईई परीक्षा दिने भएका हुन । नियमित तर्फ दुई हजार आठ सय ७९ र एक्जाम्टेडतर्फ एक सय १५ जना तथा प्राविधिक बिषयतर्फ ४९ जना रहेको पौडेलले बताए । पर्वतमा ७९ सामुदायिक बिद्यालय र १३ वटा संस्थागत बिद्यालयका बिद्यार्थी उक्त परीक्षामा सहभागी हुनेछन् ।
जिल्ला शिक्षा कार्यालयले १९ वटा केन्द्रका केन्द्राध्यक्ष, सहकेन्द्राध्यक्षसहितलाई तालिम दिएर पठाएको जनाएको छ । त्यस्तैगरी परीक्षामा एक सय ३४ जना निरिक्षक र दुई सय ८५ जना सुरक्षाकर्मी परिचालन हुने भएका छन् । विगतका बर्षको तुलनामा एक्जाम्टेडतर्फ निकै कम बिद्यार्थी रहेका छन् । गतबर्ष आठ सय २४ जना एक्जाम्टेडतर्फ रहेकोमा यसबर्ष एक सय १४ जना बिद्यार्थी परीक्षामा सहभागी हुने भएका छन् ।
बिद्यालय निरिक्षक झकप्रसाद गौतमले १० बर्षसम्म विद्यार्थीले सिकेको शिक्षालाई प्रमाणिकरण गर्ने माध्यमका रुपमा रहेको एसईई परीक्षाको सम्पूर्ण तयारी पुरा भएको बताए । ‘सबै तयारी पुरा भएको छ, उत्तरपुस्तिका सबै केन्द्रमा पुगिसकेको छ, प्रश्नपत्र बुधबार पुगिसक्छ’ उनले भने । जिल्ला शिक्षा अधिकारी पौडेलले विगतका बर्षमा भन्दा अझ बढि मर्यादित र व्यवस्थित तरिकाले परीक्षा सञ्चालन गर्नेगरि तयारी गरिएको बताए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000