जलजलाका ३० मध्ये २९ योजना सम्झौता

पर्वत, माघ १२–अन्य स्थानीय तहमा योजना सम्झौतामा निकै ढिलाई भइरहेका बेला जलजला गाउँपालिकाले भने गाउँसभाबाट पारित अधिकांश योजना सम्झौता गरेको छ । जलजला गाउँपालिकाले ३० वटा योजनामध्ये सडक, सिंचाई, पूर्वाधारलगायतका २९ वटा योजना सम्झौता गरेको हो ।
उपभोक्तासमितिमार्फत काम गर्नेगरी योजनालाई समयमै सम्झौता अभियान चलाएको गाउँपालिकाले जनाएको छ । माघ १५ भित्रै योजना सम्झौता गरिसक्नेगरी लागेको गाउँपालिकाको एउटा मात्रै योजना सम्झौता हुन बाँकी रहेको जलजला गाउँपालिकाका प्रमुख प्रशासकीय अधिकृत कृष्णप्रसाद गौतमले जानकारी दिए ।
‘जलजला गाउँपालिकाले ३० मध्ये २९ वटा योजना सम्झौता गरिसकेको छ’ उनले भने । गाउँपालिकाले यी ३० वटा योजनामा झण्डै चार करोड रुपैयाँ बिनियोजन गरेको छ । गाउँपालिकाले गाउँपालिकामार्फत ठुला योजना र वडागत योजनाका लागि एकमुष्ठ वटामा बजेट बिनियोजन गरेको थियो ।
गाउँपालिका अध्यक्ष यामबहादुर मल्ल (रामकृष्ण)ले गाउँपालिकामार्फत बजेट बिनियोजन भएका ठुला योजनालाई हिउँदमै काम सक्नेगरी सम्झौतामा कडाई गरेको बताए ।  ‘समय अभावले काम नहुने र गुणस्तरहिन हुने अवस्था अन्त्य गर्न पनि सम्झौता नै समयमै गर्न लगाइएको हो’ मल्लले भने ।
जलजला गाउँपालिकाले बिनियोजित बजेटको वडा–वडामै सम्झौता गर्ने ब्यवस्था मिलाएको छ । गाउँपालिकाका बासिन्दालाई स्थानीयस्तरमै सेवा दिनेगरी वडामै योजना सम्झौता गर्ने ब्यवस्था मिलाएको प्रमुख प्रशासकीय अधिकृत गौतमले जानकारी दिए । ‘सम्झौता गर्न केन्द्रसम्म आउनुपर्ने बाध्यता अन्त्य गरी गाउँपालिकाका बासिन्दालाई सहज बनाएका हौ’ उनले भने ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000