नगर प्रमुख जोशी भन्छन–‘काम गर्नै नदिने विकास बिरोधी रणनीति देखियो’


कुश्मा नगरपालिका घोषणाको चर्चा हुँदै गर्दा मेयरको रुपमा चिनिएका नेता हुन रामचन्द्र जोशी । गत बैशाख ३१ गते भएको स्थानीय तहको निर्वाचनबाट कुश्मा नगरपालिकाको पहिलो नगर प्रमुख (मेयर)मा निर्वाचित भएका छन् उनले पाँच बर्षको अवधिमा कुश्मालाई समृद्ध नगरका रुपमा विकास गर्ने दाबी गरेका छन् । तर, बहुमतको नाममा नेकपा एमालेबाट निर्वाचित वडा अध्यक्षहरुले काम गर्न पटक–पटक अबरोध पु¥याएका छन् । उनीहरुकै कारण कुश्मा नगरपालिकाले आर्थिक बर्ष ०७४÷७५ का लागि बजेट, नीति तथा कार्यक्रम सार्वजनिक समेत गर्न सकेको छैन । प्रस्तुत छ, नगर प्रमुख जोशीसँग नगरको विकास र समृद्धिमा केन्द्रित रहेर गरिएको कुराकानी ।

निर्वाचित भएपछि के के काम गर्नुभयो ?
नगर प्रमुखमा निर्वाचित भएपछि पहिलो बैठकबाट नगरपालिकाभित्रका मुख्य–मुख्य चोकमा सौर्यबत्ती राख्ने निर्णय गराए । त्यसको काम भइरहेको छ । विशेषगरी बजारीक क्षेत्रमा सौर्यबत्ती अत्यावश्यक छ । बिद्युत नभएको समयमा यसले शान्ति सुरक्षा, चोरी, लुटपाटका घटनाबाट रोक्न सहज बनाउछ । सौर्यबत्तीलाई बिस्तार गर्दै लगिनेछ । कुश्मा नगरपालिका जिल्लाका अन्य स्थानीय तहभन्दा विकासको दुष्टिले अगाडी छ । तर पनि यहाँ अहिले पनि एक घर एक घारा भएको अवस्था छैन । एक घर एक धारा अभियान पनि पहिलो बैठकमै निर्णय गरेर अगाडी बढाएको छु । अर्को कुरा म नगरमा निर्वाचित भएर आइसकेपछाडी हरेक वडा कार्यालय खोल्ने काम गरेको छु । वडाको कामका लागि घण्टौ लगाएर सेवाग्राही नगरपालिका कार्यालय नै आउनुपर्ने समस्यालाई ध्यानमा राखेर वडा–वडामा कार्यालय सञ्चालनमा ल्याउने काम गर्न सफल भए । सदरमुकाम वरपर पक्की सडक बिग्रेर खाल्डाखुल्डी भएका थिए, त्यो मर्मत गराएको छु । नगरपालिकामा हुने दैनिक कामबाहेक अन्य काम सोचेअनुरुप गर्न पाएको छैन् ।

काम गर्न किन अबरोध ?
नगरपालिकामा म निर्वाचित भएपछि जनताले धेरै आशा र अपेक्षा गरेका छन् । कुश्मा नगरपालिका स्थापना नहुदै मलाई नगरबासीले भाबी मेयरका रुपमा हेरेका थिए । यो बिजय पनि त्यसैको कडीको रुपमा लिएको छु । चुनाव अगाडी जे सोचेको थिए, निर्वाचित भएपछि त्यो भएन् । नगरपालिकामा निर्वाचित जनप्रतिनिधिमध्ये म अल्पमतमा परे । अहिलेसम्म नगरको बजेट ल्याउन सकिएको छैन । अन्य सबै स्थानीय तहमा बजेट आइसक्यो । बजेट कार्यान्वयन चरणमा ती स्थानीय तह रहेका छन् । म नेपाली काँग्रेसबाट निर्वाचित भए । तर नगर कार्यपालिका र नगर सभामा नेकपा एमालेको बहुमत आयो । त्यसैले पनि उहाँहरुले सहज रुपमा काम गर्न दिनुभएन । मन्त्रालयले पठाएको नमुना कानुन समयमा पारित गर्न दिनुभएन । कानुन पारित नहुदा बजेट, नीति तथा कार्यक्रम ल्याउन सकिएन ।

बजेट, नीति तथा कार्यक्रम आउन नसक्नुको मुख्य कारण ?
अधिकांश स्थानीय तहमा मन्त्रालयले नै पठाएको नमुना कानुन नै पारित भएको छ । मन्त्रालयले पहिलो पटक स्थानीय तहलाई सहज बनाउनका लागि पनि नमुना कानुन बनाएर पठाएको होला । छुट्टै कानुन बनाउन लामो समय खर्चदा अन्य काममा ढिलाई पनि हुनसक्छ भन्ने हिसाबले सबै कुराको सोचबिचार गरेर नै मन्त्रालयले नमुना कानुन पठाएको होला । पर्वतका सात वटा स्थानीय तहमध्ये छ वटा तहमा हुबहु त्यो पास गरियो । तर, कुश्मा नगरपालिकामा त्यो पास गर्न दिइएन् । कुश्मा नगरपालिकामा एमालेबाट निर्वाचित साथीहरुले नगर प्रमुखको हात बाँध्ने प्रयत्न गर्नुभयो । नगर प्रमुखसँग जनताका धेरै अपेक्षाहरु छन् । ती अपेक्षालाई पुरा गर्नका लागि अधिकार बिहिन बनाउनु त भएन नी । मन्त्रालयले नमुना कानुन पठाएपनि जिल्लाका अन्य सबै नगरपालिका र गाउँपालिकामा हुबहु पारित भएको छ । तर, कुश्मा नगरपालिकामा प्रमुखलाई कुनै पनि अधिकार नदिने अडान लिएकै कारण कानुन आउन नसकेको हो । कानुन पारित नहुँदा समयमा बजेट, नीति तथा कार्यक्रम ल्याउन सकिएन् । विकास निर्माणको काम ठप्प भयो । कर्मचारीले तलबभत्ता समयमा पाउन सकेनन् । नगरपालिकाको दैनिक प्रशासनिक काम गर्नै गाह्रो भयो । यो अवस्थालाई गम्भिर बन्नुपर्छ भनेर गाठो फुकाउने काम ग¥यौ । कानुन पारित ग¥यौ । तर अहिले बजेट, नीति तथा कार्यक्रम ल्याउन फेरी अबरोध पु¥याउनुभएको छ । मैले नगरको हित र विकासलाई केन्द्रबिन्दुमा राखेर, नगरलाई छिटो समृद्ध बनाउने दिशामा अग्रसर बनाउनका लागि ठुला योजनाको प्रस्ताव गरे । तर नेकपा एमालेबाट निर्वाचित भएर आउनुभएका वडा अध्यक्षले वडामा टुक्रे योजनामा बजेट बिनियोजन गर्नुपर्ने अडान छाड्नुभएको छैन । मेरो कुरा के हो भने लामो समयदेखि सडक पक्की हुन सकिरहेका छैनन् । कम्तीमा पनि कुश्मा नगरपालिकाले आफ्नो कार्यालयदेखि वडा कार्यालय जोडिने हरेक सडकलाई ठुलो रकम बजेट बिनियोजन ग¥यौ, अत्यावश्यक बाहेक टुक्रे योजनामा बजेट बन्द गरौ, पाँच बर्षको अवधिमा नगरपालिकाको देखिनेगरी विकास गरौ भन्ने मेरो योजनाको बिपक्षमा गएर उहाँहरुले नगरसभा नै गर्न दिनुभएन् । असोज ४ गतेका लागि तोकिएको नगर सभा उहाँहरुकै कारण रोकिएको छ ।

अब के गर्नुहुन्छ ?
अहिलेको स्थानीय तह भनेको स्थानीय सरकार हो । केन्द्रीय सरकारमा प्रधानमन्त्री सर्बेसर्वा भएजस्तै साच्चिकै नगरको काम गर्ने हो भने प्रमुखलाई पनि स्थानीय सरकारको अधिकार दिनुप¥यो । अल्पमत र बहुमत भन्दा पनि जनताबाट प्रत्यक्ष निर्वाचित भएर आएको प्रमुखको हातखुट्टा बाध्ने प्रयास गरियो भने कुनै काम नै हुन सक्दैन । नगर प्रमुखले केही निर्णय नै गर्नसक्दैन । म जनताबाट प्रत्यक्ष रुपमा निर्वाचित भएर आएको नगर प्रमुख हुँ । मैले पाँच बर्षमा कुश्मा नगरपालिकामा यो, यो परिवर्तन ल्याउछु भनेर आएको छु । तर नगर प्रमुखले राम्रो काम गर्छ की, उ जनतामा अझै लोकप्रियता हुन्छ की भनेर लाग्नुभएको छ त्यो गलत हो । अब नेपाली काँग्रेसबाट निर्वाचित भएपनि म अहिले कुश्मा नगरपालिकाको प्रमुख हु । सबैको साझा हुँ । मैले कसैलाई विचार र राजनीतिक रुपमा पूर्वाग्रह राखेको छैन र राख्दिन पनि । एमालेबाट निर्वाचित साथीहरुले कुनै काम नै गर्न नदिने रणनीति बनाउन थालेपछि जनतामा जानुको बिकल्प छैन । यस्तै अबरोध गर्दै जाने हो र कुश्माको विकास गर्नै नदिने नियत हो भने सबै जनतालाई उहाँहरुको भूमिका जानकारी गराउनुको बिकल्प रहदैन । विकास बिरोधीलाई नगरबासीले नै ठाउँमा ल्याउछन् ।

तपाईंका प्राथमिकता के हुनेछन् ?
सदरमुकाम भएर पनि अझै स्तरीय सडक, विद्युत र खानेपानीको पहु“च सहज रुपमा सबैका घरघरमा पुग्न सकेको छैन । धेरै ग्रामिण क्षेत्रमा खानेपानीको समस्या छ । काठका पोलले जोखिम बढाएको छ । मैले बिशेषघरि एक घर एक धाराको अवधारणा ल्याएको छु । सडकलाई स्तरीय बनाउन लाग्नेछु । यो पाँच बर्षे कार्यकालभित्रै हरेक वडा कार्यालयसम्म पक्की सडक पु¥याउने मेरो योजना रहेको छ । विकासको मुख्य माग भनेकै अहिले सडक रहेको छ । अहिले रहेका सडकहरु बर्षातको समयमा कम मात्रामा चल्छन् । बाह्रै महिना सवारी चल्ने सडक बनाउने मेरो प्राथमिकता रहन्छ । शिक्षा क्षेत्रको गुणस्तर खस्कदै गएको छ । पहिलो विकास भनेकै शैक्षिक विकास हो । शैक्षिक विकासका लागि भौतिक संरचनामा पूर्ण बनाउने, शिक्षकहरुलाई तालिम, सीप दिएर दक्ष बनाउन लाग्नेछु । स्वास्थ्य, खानेपानी, युवा, बृद्धबृद्धा, बिपन्न परिवारको समस्या बुझेर सक्दो समाधान गर्ने मेरा प्राथमिकता हुन् ।

कुश्मालाई समृद्ध शहर बनाउने तपाईको परिकल्पना के हो ?
कुश्मा चिनाउन धेरै टाढा जानुपर्दैन । मुलुककै अग्ला पुलको शहरका रुपमा कुश्मा चिनिएकै छ । कुश्मामा पर्यटकीय माध्यमबाट धेरै विकास गर्न सकिन्छ । अग्ला पुलसँगै चर्चित गुफाहरु यहि छन् । कालीगण्डकी नदीमाथि बञ्जीजम्प निर्माणको क्रममा छ । कालीगण्डकी राजमार्ग निर्माणाधिन छ । कुश्मा धौलागिरीकै प्रवेशद्धार पनि हो । मुस्ताङसम्म जाने पर्यटकलाई कम्तीमा पनि एक रात कुश्मामा राख्ने ब्यवस्था मिलाउन जरुरी छ । अहिले मुस्ताङ जाने अधिकांश पर्यटकहरु कुश्मा झरेर अग्ला पुलसहित यहाँका पर्यटकीय क्षेत्रको अवलोकन गरेर फर्कने गरेका छन् । यो सकारात्मक पाटो हो । स्थानीय, राष्ट्रिय तथा बिदेशी लगानीलाई कुश्मामा भित्राउन पहल गर्ने, उर्जा, पर्यटन, कृषिका साथै उत्पादनमुलक उद्योग र नयाँ प्रविधि एवम् ब्यापारयोग्य सेवाहरुमा आकर्षित योजना ल्याउनेछु । कुश्मा नगर बलियो नगर, निजी उद्यम र विधिको शासनको प्रत्याभूति नभई सिंगो नगरको समृद्धिको कल्पना गर्न नसकिने अठोटका साथ स्थानीय वडामा उद्यमशिलताको लहर ल्याउन युवाहरुको सीप विकास गर्दै कृषि, उर्जा, साना तथा मझौला उद्योगहरु र पर्यटकीय गतिविधिहरुको विस्तारका लागि म क्रियाशिल छु । उन्नत बीउ, कजा, बीमा, बैकल्पिक उर्जा, साना जलबिद्युत र सिंचाईका आयोजनाहरुमार्फत उत्पादकत्व बढाउने, बैदेशिक रोजगारबाट फर्केका तथा जान तयार युवालाई सीप दक्षता, पुजी र विप्रेसण आयलाई उत्पादनाुलक प्रयोजनमा लगानी गर्ने कुश्मामा उत्पादकत्व बढाएर समृद्धि गराउने मेरो परिकल्पना रहेको छ ।

नगरका प्रमुख स्रोतहरु के के हुन ?
जिल्लाकै सम्पन्न नगरमा पर्ने भएकोले यहा“ स्रोतको कमी छैन । विद्युत रोयल्टी राम्रो छ । त्यससंगै कालीगण्डकी र मोदीखोलाको नदीजन्य पदार्थको ठेक्काबाट पनि राजस्व राम्रै संकलन हुन्छ । त्यससंगै नगरपालिकाले शुरु गरेको एकिकृत सम्पती करबाट पनि राजस्व राम्रै संकलन हुन्छ । त्यसबाहेक केन्द्रको आम्दानीले पनि सहयोग गर्छ । पर्यटन क्षेत्रलाई व्यवसायिक बनाउनसके पर्यटन राजस्वबाट राम्रो फाइदा लिन सकिने सम्भावना रहेको छ आर्थिक पारदर्शिता विकासको पहिलो शर्त हो । त्यसलाई बढी फोकस गर्नेछु । नगरपालिकालाई बिचमा पारेर बगेको मोदीखोला मुख्य स्रोत हो । जहा“ सात वटा जलविद्युत दर्ता छन् । तीन वटा कुश्मा नगरपालिकाभित्र पर्छ । त्यसबाहेक कालीगण्डकी नदी, पर्यटकिय क्षेत्र, कृषि, जडिबुटी लगायत नै नगरका मुख्य स्रोत हुन् । मालपोत, एकिकृत सम्पतीकर र विद्युत रोयल्टी मुख्य आर्थिक स्रोत हो ।

युवा लक्षित कार्यक्रम के हुन् ?
खेतीयोग्य जमिनहरु बाझिदै गएको छ । खेती गर्ने किसानहरुको संख्यामा कमी हुदैछ । त्यसैले पनि युवालाई कृषिमा प्रोत्साहन र आकर्षण गर्न आवश्यक छ । कृषिलाई ब्यावसायिक र आधुनिकिकरण गर्दै लैजानुपर्ने छ । निर्वाहमुखी खेती प्रणाली नै जमिन बाझिनुको मुख्य कारण हो । जबसम्म युवालाई कृषिमा आकर्षित गराइदैन कृषि उत्पादनमा बृद्धि गरी कृषिमा आत्मनिर्भर हुन पनि सकिदैन । युवालक्षित कार्यक्रम अन्तर्गत उत्पादनमा जोड दिने हो । युवाका हातमा भएको सीप नगरभित्रै लगाएर त्यसको फाइदा सबै नगरबासीले लिने खालको वातावरण बनाउने मेरा कार्यक्रम रहनेछज् ।

नगरको मुख्य चुनौती के के हुन ?
नगरबासीका आशा र अपेक्षा धेरै छन् । भन्नेबित्तिकै सबै काम एकैपटक गर्न सकिने अवस्था छैन । मुख्य कुरा बजेटकै अभाब हो । सरकारले स्थानीय तहमा जुन बजेट पठाएको छ, त्यो अत्यन्त न्युन छ । जिल्लामा हिजो जति बजेट भित्रिन्थ्यो त्यो पर्वतका सात वटै स्थानीय तहमा जोडेपनि बजेट आएको छैन । वडा–वडाबाट योजनाको चाङ लागेको छ । सबैलाई तत्काल र अहिले नै योजनामा बजेट चाहिएको छ । सबैका मागलाई अहिले नै समाधान गर्न नसक्नु अहिलेको मुख्य चुनौतिका रुपमा लिएको छु । अर्को कुरा योजनामा गएको सही रुपमा खर्च नहुने चुनौती पनि छ । विगतमा त्यस्ता गुनासा आइरहन्थे । त्यो यसपटक अन्त्य गर्नतर्फ केन्द्रीत हुन्छु ।

योजनामा बिनियोजित रकम सही रुपमा खर्च हुने आधार के ?
म बिद्यार्थी राजनीति गर्दै यहाँसम्म आएको छु । अहिलेसम्म कोही कतै एक रुपैयाँ पनि अनियमिता र गलत कामबाट लिएको छैन । म जुन दिनसम्म पदमा रहन्छु, त्यो दिनसम्म नगरबासीले भ्रष्टाचार गरेको सुन्नुपर्ने छैन । मैले एक रुपैयाँ पनि भ्रष्टाचार गर्दिन र कसैलाई गर्न पनि दिन्न । कुश्मा नगरमा भ्रष्टाचार र अनियमितता मेरो कानमा सुन्न नपरोस् भनेर नै काम गरेको छु ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास

सरकारले भन्यो : थेग्नै नसक्ने स्थितिमा पुग्यौं




About Sarathi news
Description goes here
NEPAL OFFICE

Address 1
Kathmandu, Nepal

977-0000000000