शिक्षामा लाखौँको चलखेल, नियम बिपरित अस्थायी करारलाई धमाधम सरुवा

पर्वत असार ११–जिल्ला शिक्षा कार्यालय पर्वतमा लाखौँ रुपैयाँको चलखेल भएको पाइएको छ । शिक्षामा कार्यरत कर्मचारीलाई स्थानीय तहमा समायोजन गर्ने अन्तिम तयारी हुँदा जिल्ला शिक्षा अधिकारी, बिद्यालय निरिक्षकसहितका कर्मचारीले मोटो रकम लिएर नियमबिपरित सरुवा गरेका छन् ।
आर्थिक बर्षको अन्तिम समयमा सबै शक्ति लगाएर प्रगति देखाउनुपर्ने बेलामा कर्मचारीले अस्थायी र करारका शिक्षकलाई नियमबिपरित सरुवा गरेर लाखौँ रुपैया कुम्ल्याउनमा कस्सिएका हुन । शिक्षा कार्यालयमा एक जना शिक्षक सरुवा गरेवापत २५ हजारदेखि एक लाख रुपैयाँसम्म लिनेदिने हुने गरेको शिक्षा कार्यालयकै एक कर्मचारीले जानकारी दिए ।
उनका अनुसार प्राविको २५ हजार रुपैयाँ लिने गरिएको छ । त्यस्तै निमावि शिक्षकले सरुवा हुनका लागि ५० हजार रुपैयाँ र माबिका शिक्षकले ७५ हजार रुपैयाँ बुझाउनेपर्ने उनले बताए । उनकाअनुसार विगतमा स्रोतब्यक्ति राख्दा एक लाखसम्म शिक्षा कार्यालयले बुझेको दाबी गरे । ‘पैसा नदिएसम्म नियमसँगत आएका फाइल पनि सरुवा हुँदैन, पैसा भएपछि अस्थायी र करारका शिक्षक पनि आफुले भनेकै ठाउँमा जान पाउँछन्’ शिक्षा कार्यालयस्रोतले भन्यो ।
कुनैपनि बिद्यालयमा अस्थायी करार नियुक्ति शिक्षा नियमावली २०५९ (संशोधनसहित) नियम ९७ अनुसार नियुक्ति गरी बढीमा एक शैक्षिक सत्रको लागि बिद्यालयले करार सम्झौता गरेको हुन्छ । अन्य कुनैपनि बिद्यालयसँग सम्बन्धित नहुने भएका कारण शिक्षा विभागले शैक्षिक सत्र २०६९÷७० मै अस्थायी करारका शिक्षकको सरुवा नगर्न जिल्ला शिक्षा कार्यालयलाई निर्देशन दिएको थियो । तर, शिक्षाले त्यो निर्देशनबिपरित पैसा लिएर जथाभावी सरुवा गरेको हो ।
विभागले करार सम्झौता भनेको करारमा उल्लेख भएअनुसार प्रथम पक्ष र दोस्रो पक्षबाट पालना नगरे जुनसुकै बेला भंग हुन सक्ने भएकाले एउटा बिद्यालयमा अस्थायी करार नियुक्ति गरेको शिक्षक अर्को बिद्यालयमा सरुवा गर्ने कार्य मनासिव नदेखिने बताएको छ ।
शिक्षा ऐन २०२८ (संशोधनसहित) को दफा १६ ज तथा शिक्षा नियमावली २०५९ (संसोधनसहित) को नियम ९९ मा सरुवा सम्बन्धी ब्यवस्था स्थायी शिक्षकका लागि गरिएको भएपनि जिल्ला शिक्षा कार्यालय पर्वतले त्यही ब्यवस्थालाई टेकेर नियमबिपरित सरुवा गर्ने गरेको छ ।
पश्चिमाञ्चल क्षेत्रीय शिक्षा निर्देशनालयले पनि अस्थायी करार शिक्षक सरुवाका लागि कुनै ब्यवस्था नभएको र गर्न पनि नपाइने बताएको छ । दरबन्दी मिलान र बिद्यालय समायोजनमा बाहेक अस्थायी करारलाई सरुवा गर्न नपाइने निर्देशनालको दाबी छ । यति हुँदाहुँदै पनि जिल्ला शिक्षा कार्यालय पर्वतमा अहिले धमाधम सरुवा भइरहेको छ । बैशाख ३१ गतेको स्थानीय तहको निर्वाचनमा आचारसंहिता लागेको भएपनि शिक्षा कार्यालयले त्यो समयमा समेत अघिल्लो मिति राखेर सरुवा गरेको पाइएको छ ।
विशेषगरी जिल्ला शिक्षा कार्यालय पर्वतमा बिहान र बेलुकादेखि रातीसम्म यस्ता नियमबिपरितको कामको टिप्पणी उठ्ने गरेको छ । जिल्ला शिक्षा अधिकारी रमेशराज पौडेलले भने आफुले एकसाताबढि काम विशेषले जिल्ला छाडेको बताउदै सरुवाको बिषयमा केही थाहा नभएको बताए । ‘म नभएको समयमा सरुवा गर्नपनि सक्छन तर त्यसको बारेमा मलाई केही थाहा भएन’ पोखरा गोष्ठीमा भएको बताएका पौडेलले भने ।
त्यसो त जिल्ला शिक्षा कार्यालयमा कर्मचारीले शिक्षकहरुको काममा आफु÷आफु मिलेर नै अख्तियार र शिक्षा विभागमा उजुरी गर्ने गरेका छन् । ‘शिक्षामा आफै झांक्री, आफै धामी बन्ने रमाइलो परम्परा रहेछ’ एक शिक्षकले भने । शिक्षा कार्यालयले अहिले नियमबिपरितका सरुवा धमाधम गरेपनि नियम र प्रक्रिया पु¥याएर आएका फाइललाई भने महिनौसम्म हल्लाउने गरेका छन् । ‘नियमबिपरित अस्थायी करारका शिक्षकलाई सरुवा गर्ने कर्मचारीले प्रक्रिया पुरा गरेका स्थायी शिक्षकको समेत पैसा नदिएसम्म सरुवा नै नगर्ने, फाइललाई थन्क्याउने आश्चर्यजनक काम जिल्ला शिक्षामा हुने रहेछ’ एक स्थायी शिक्षकले भने ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

अन्तराष्ट्रिय पर्बत समाजले पठायो उपकरणसहित स्वास्थ्य सामग्री

काँग्रेस युवा नेता मल्लले ६१ वटै वडामा मास्कसहितका सामाग्री धमाधम बितरण गर्दै

काँग्रेसका दलित नेता शशिधरको निधन, पुनले ओढाए पार्टीको झण्डा

मन्त्रिपरिषद पुनर्गठन, यस्तो छ जिम्मेवारी

अन्तराष्ट्रिय पर्वत समाजद्धारा पर्वतका सात वटा स्थानीय तहलाई १२ लाख बराबरको स्वास्थ्य सामाग्री वितरण




About Sarathi news
Description goes here
NEPAL OFFICE

Address 1
Kathmandu, Nepal

977-0000000000