५६ रनको लक्ष्य नेपालले ५४ बलमै भेट्टायो, साउदीमाथि शानदार जित

काठमाडौं, भदौ १७ । नेपालले एसीसी यु–१९ प्रिमियर लिग क्रिकेट प्रतियोगिताको आफ्नो अन्तिम खेलमा साउदी अरेबियालाई ९ विकेटले पराजित गरेको छ ।

मलेसियाको क्वालालम्पुरमा विहीबार भएको खेलमा साउदी दिएको ५६ रनको झिनो लक्ष्य नेपालले ९ ओभरमा १ विकेट गुमाएर पूरा गरेको हो । नेपालका सुनिल धमलाले अविजित रहँदै ३४ र कप्तान राजु रिजालले अविजित रहँदै १४ रन जोडे । शंकर राना भने ४ रनमै पवेलियन फर्किए ।

यसअघि, टस जितेर पहिले ब्याटिङ गरेको साउदी अरेबियाले सबै विकेट गुमाएर ५५ रन मात्रै जोडेको थियो । साउदी टोली ३३ दशमलव २ ओभरमा अलआउट भएको हो ।

साउदीका दुई खेलाडीले मात्रै दोहोरो अंकको रन बनाउन सके । साउदीका दुई शून्य रनमै र ४ खेलाडी मात्र १ रन जोडेर आउट भए ।

खेलमा नेपालका बलरहरुले शानदार प्रदर्शन गरे । नेपालका सुशील कँडेलले एक्लैले १० ओभर बलिङ गर्दै मात्र १२ रन दिएर ४ विकेट लिए । ६ ओभर बलिङ गरेका सुनिल धमलाले ३ रन मात्र दिएर २ विकेट झारे । यस्तै, प्रेम तामाङले २ विकेट लिए ।

प्रतियोगिताकै कमजोर मानिएको साउदीमाथि नेपालले फराकिलो जित जित निकालेको हो ।

आजकै अर्को खेलमा अफगानिस्तान र मलेसियामा भिडिरहेका छन् । यसमा अफगानिस्तान ठूलो अन्तरको हारेमा नेपाल उपाधि विजेता बन्न सक्छ ।

६ टोली सहभागी प्रतियोगिताको आफ्नो दोस्रो खेलमा नेपाल अफगानिस्तानसँग १० विकेटले पराजित भएको थियो भने अरु खेलमा नेपालले फराकिलो जित दर्ता गरेको थियो ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास

सरकारले भन्यो : थेग्नै नसक्ने स्थितिमा पुग्यौं




About Sarathi news
Description goes here
NEPAL OFFICE

Address 1
Kathmandu, Nepal

977-0000000000