प्रधानमन्त्रीले जनजाति नेताहरुसँग भने–‘उत्तेजक र हिंसात्मक आन्दोलनमा नजानुस्’

काठमाडौं, भदौ १६ । प्रधानमन्त्री सुशील कोइरालासँग नयाँ संविधानमा थप अधिकारको माग राख्दै आन्दोलनरत आदिवासी–जनजाति बृहत् संयुक्त संघर्ष समितिका प्रतिनिधिहरुले बुधबार बिहान भेट गरेका छन् ।

प्रधानमन्त्री निवास बालुवाटारमा भएको भेटमा प्रधानमन्त्री कोइरालाले सबै समस्याको समाधान शान्तिपूर्ण रुपमा वार्ताको माध्यमबाट गर्न सकिने भएकोले उत्तेजक र हिंसात्मक आन्दोलनमा नजान आदिवासी–जनजाति नेताहरुलाई अनुरोध गरे ।

फोटोः प्रधानमन्त्रीको निजी सचिवालय ।

प्रधानमन्त्री कोइरालाले मुलुक शान्ति र स्थिरतातर्फ लम्किरहेको बेलामा कैलाली, पर्सा, बारा लगायतका जिल्लामा भएको जनधनको क्षति निकै दुःखद भएको उल्लेख गरे ।

सो अवसरमा प्रधानमन्त्री कोइरालाले विभिन्न राजनीतिक आस्था र विचार भएका पार्टीहरु लचिलो रुपमा प्रस्तुत भएर सबैको भावनालाई समेटेर पहिलो चोटी संविधानसभाबाट संविधान आउन लागेको उल्लेख गर्दै भने– ‘यो पत्थरको लकिर पनि होइन र यो नै अन्तिम लेनदेन पनि होइन । गतिशील संविधानमा आज मिलेन भन्दैमा भोलि नहुने कुरा छैन ।’

‘मुलुकलाई द्धन्द्धमा जानबाट सबैले रोक्नु पर्दछ । नेपाललाई द्धन्द्धबाट जोगाउनु पर्दछ । नेपाललाई बचाउनु पर्दछ’–प्रधानमन्त्री कोइरालाले भने ।

उनले मुलुक द्धन्द्धमा फसेपछि उम्किन कठिन हुने तथ्य पनि उल्लेख गरे ।

भेटका अवसरमा प्रधानमन्त्री कोइरालाले नेपालमा संघीय लोकतान्त्रिक गणतन्त्रको स्थापनापछि आम जनताको विकासप्रतिको चाहना चुलिएको उल्लेख गर्दै अब नेपाल विकासतिर लम्कने बताए ।

‘आधुनिक युगमा मेसिनरीको सहायताले काम पहिलेको भन्दा छिटो हुन्छ । ८/१० वर्षमा छलांग मार्ने अवस्था छ’–उनले भने ।

सो अवसरमा बृहत् संयुक्त संघर्ष समितिमा रहेका आदिवासी–जनजाति नेताहरुले संविधानको विधेयकमा भएका प्रावधानमा जनजाति आयोग गठन गरिनु पर्ने, प्रदेशको संरचनामा जातीय सम्बन्ध र बसोवासलाई सहज हुने गरी बनाउनु पर्ने, संविधानमा समानुपातिक समावेशी भन्ने वाक्यांश राखिनु पर्ने लगायतका विषयहरु समेटिएको ज्ञापनपत्र प्रधानमन्त्री कोइरालालाई बुझाएका थिए ।

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास

सरकारले भन्यो : थेग्नै नसक्ने स्थितिमा पुग्यौं




About Sarathi news
Description goes here
NEPAL OFFICE

Address 1
Kathmandu, Nepal

977-0000000000