काँग्रेस र एमालेका सभासद्लाई संशोधन प्रस्ताव हाल्न प्रतिबन्ध

काठमाडौं भदौं १५ । संविधानसभामा संसदमा जस्तो सभासद्हरुलाई पार्टीको व्हीप लाग्दैन् । तर, सत्ता साझेदार दल काँग्रेस र एमालले भने आफ्ना सभासद्हरुलाई संविधानको परिमार्जित विधेयकमा संशोधन प्रस्ताव दर्ता गर्न प्रतिबन्ध लगाइएका छन् ।

दुबै दलले आफ्ना सभासद्हरुलाई पार्टीमा छलफल नगरी संशोधन प्रस्ताव दर्ता नगर्न निर्देशन दिएका छन् । संशोधन प्रस्ताव दर्ता गर्दा प्रमुख दलहरुबीच छलफल गर्ने र संविधानसभाबाट संशोधन प्रस्ताव पारित हुने अवस्थामा मात्र संस्थागत रुपमा प्रस्ताव दर्ता गराउने रणनीतिमा दुबै दल छन् ।

यी पार्टीका कुनै पनि सभासद्ले मूख्य सचेतकको अनुमति बिना संशोधन प्रस्ताव दर्ता गर्नबाट रोक लगाइएको छ । काँग्रेसका मूख्य सचेतक चिनकाजी श्रेष्ठले पार्टीका सभासद्लाई ब्यक्तिगत रुपमा संशोधन प्रस्ताव दर्ता नगर्न निर्देशन दिएका छन् । यसको औपचारिक निर्णय भने मंगलवार बस्ने केन्द्रिय समिति बैठकले गर्नेछ ।

एमाले अध्यक्ष तथा पार्टी संसदीय दलका नेता केपी ओलीले केही दिन अघि संविधानसभा भवन बानेश्वरमा पार्टी संसदीय दलको बैठक डाकेर सभासद्हरुलाई निर्देशन दिइसकेका छन् । उनले पार्टीको व्हीप संविधानसभामा नलाग्ने भए पनि पार्टी अध्यक्षको हैसियतमा पार्टी निर्देशन विपरित नजान आफ्नो आदेश भएको बताएका थिए । उनले संशोधन प्रस्ताव दर्ता गर्न चाहेमा मूख्य सचेतकसँग परामर्श गर्न सुझाएका थिए ।

दुबै पार्टीका जनजाति, मधेशी, अल्पसंख्यक लगायतका सभासद्हरु पार्टीको यो निर्णयबाट धर्म संकटमा परेका छन् । उनीहरुले पटक पटक उठाएका मुद्दाबारे संशोधन प्रस्ताव दर्ता गर्न नपाउँदा पार्टी निर्देशन विपरित जाँदा सभासद् पद नै जाने हो कि भन्ने चिन्तामा छन् । सत्तापक्षीय दलहरुको पछिल्लो निर्देशनलाई आफैले सार्वभौम भन्दै आएका संविधानसभाका सदस्य माथि अंकुश लगाउने कदमका रुपमा कतिपयले लिएका छन् ।
संविधानसभाले गत आइतवारदेखि आगामी शनिवारसम्म संविधानको विधेयकमाथि संशोधन दर्ता गर्ने एक हप्ताको समय सीमा तोकेको छ ।

 

सम्बन्धित समाचार

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*

भर्खरै view all

पर्वत कांग्रेसको बिपि स्मृति भवन कोरोना अस्पतालका लागि दिने निर्णय

नेपालमा थप ८४१८ कोरोना संक्रमित थपिए, ५३ को मृत्यु

पर्वत कांग्रेसको उदारता, नयाँ भवनमा कार्यालय नसार्दै कोरोना अस्पताल बनाउन अनुमति

बित्तिय संस्थासहित सबै प्रकारका पसल ब्यावसाय बन्द गर्न जलजला गाउँपालिकाको आग्रह

सत्ता टिकाउन गुरुङको हरसम्भव प्रयास




About Sarathi news
Description goes here
NEPAL OFFICE

Address 1
Kathmandu, Nepal

977-0000000000